दमक/
झापाको दमक नगरपालिका वडा नं ३ का सर्वसाधरण अझै पनि सहज स्वास्थ्य पहुँचबाट बाहिर नै छन् भन्ने कुराको प्रमाणती भएको छ । यहाँ स्वास्थ्य शिविर गर्दा उपस्थित हुनेको सख्या र बिरामबारे बुझ्न आउने सर्वसाधरणको भिडले पनि । अस्पताल गाउँ नजिकै भएपनि त्यस क्षेत्रका नागरिकहरु अस्पताल जान सकिरहेका छैनन् । विषेश गरि यहाँ ज्यालादारी र मजदुरी गर्ने समुदायका नागरिकहरु दमक बजारमा रहेका अस्पताल सम्म पनि आउन नसकेका हुन ।
उमेरले ८४ वर्ष पुग्नु भएकी चन्द्रमाया बोहोरा र उहाँकी दौतरी ७० वर्षे नरमाया भट्टराई एक अर्काको हात समातेर आफ्नो बिराम जाँच गराउन आउनु भएको थियो । स्थान हो दमक ३ स्थित गोलाटारमा रहेको जनज्योती आधारभूत विद्यालय । यहाँ जेष्ठ नागरिक मात्र होईन हरेक उमेर समुहका र प्राय सबै रोगको निशुल्क जाँचका साथै निशुल्क औषधि पनि वितरण हुदै थियो । यो खवर सुनेर चन्द्रमाया र नरमाया पनि एक अर्काको हात समाएर भएपनि स्वास्थ्य शिविर आउनु भयो । उहाँहरु दुवैजना ग्यस्ट्रिक वा पेट सम्बन्धीको समस्या भएर डाक्रटलाई देखाउन आउनु भएको हो । दुवैजनाले यहाँबाट ७ किलोमिटर दक्षीणमा रहेका अस्पतालमा आएर उपचार गराउन सक्नु भएको छैन । केहि वर्ष अघि एक पटक दमकमा डाक्टरलाई देखाएको भएपनि त्यसयता उहाँहरुले देखाउनु भएको छैन । तर बिराम उस्तै छ । त्यसैले गाउँमै जाँच गरिदिने र औषधि पनि दिनेहरु आएका छन् भन्ने सुनेर आएको दुवैजनाले बताउनु भयो ।
यस्तै यहि ठाउँका ६२ वर्षे पुण्य प्रसाद कार्कीको पनि शारिरीक समस्या छ । दमक बजार सम्म धाउन उहाँले फुर्सद पनि पाउनु भएको थियो । गाउँमा हुने खेतबारीको काम गर्दा गर्दै उहाँले आफ्नो शरिरमा भएको रोगका बारेमा थाहै पाउनु भएन । तर अहिले उहाँलाई पेट दुख्ने विराम लागेको छ । खाना कम रुच्छ । त्यसैले उहाँले गत शनिबार पहिलो पाईला नेपाल दमक शाखाले आयोजना गरेको स्वास्थ्य शिविरमा जाँज गराउन जानु भएको हो ।
पहिलो पाईला दमक शाखाले शनिबार सम्पन्न गरेको स्वास्थ्य शिविर क्षेत्र दमक शहरको उत्तरी क्षेत्रमा पर्ने एउटा ग्रामिण गाउँ हो । यस ठाउँका अधिकांस नागरिक नजिकै रहेको मावा नदिमा आश्रीत छन् । गरिव तथा विपन्न परिवारका समुदाय रहेकोले आफ्नो स्वास्थ्यको मनग्गे ख्याल नगरेको शिवरमा सेवा दिनुभएका भएका निम्स नेशनल हस्पिटलका जनरल फिजिसियन डा. प्रदिप कट्वालले बताउनु भयो ।
शिविरमा सेवा लिन आउने अधिकासंमा स्वासप्रस्वास, दमकको रोगी, सुगर प्रेसर भएका, ग्यास्टिक भएकाहरुले जाँज गराएको उहाँले बताउनु भयो ।
दमक शहर नै भएपनि यस भित्रका गाउँमा बस्नेहरुले शहरको सुविधा चाख्न सकेका छैनन् । यहि कुरालाई मध्यजनर गरेर सस्थाले दमकमा रहेका अस्पताल तथा अन्य किल्नीकसँगको साझेदारीमा स्वास्थ्य शिविर गरेको पहिलो पाईला नेपाल दमक शाखाका अध्यक्ष दिपक खड्काले बताउनु भयो । उहाँले गाउँका विपन्न नागरिकलाई लक्षीत गरेर शिविर आयोजना गरिएकोले त्यहि वर्गले सेवा लिन लिएको प्रतिकृया दिनुभएको छ ।
निम्स नेशनल हस्पिटल प्रालिको प्राविधिक सहयोग तथा दमक नगरपालिका वडा नं ३सँगको सहकार्यमा पहिलो पाईला नेपालले सम्पन्न गरेको शिविरबाट २ सय ५० जनाले स्वास्थ्य परिक्षण गराएका थिए ।-
