दमक/
बिहानै कम्तिमा आदा घण्टा दौडन वा हिड्न अर्थोपेडिक्स डा. अरुण कुमार साहको सल्लाह छ । उहाँ दमकमा रहेको आम्दा अस्पतालमा रहेर बिरामीको सेवा गरिरहनु भएको छ भने बिरामीको माग बमोजिम बिहान र बेलुकाको समयमा दमक ६ नगरपालिका रोडमा रहेको भट्टराई ओखती घरमा बसेर पनि सेवा दिनु हुन्छ ।
उहाँले आफ्नो चिकित्सकिय कालमा हाड, जोर्नी तथा नसा सम्बन्धीका धेरै बिरामी हेर्नु भएको छ । उहाँको अनुभवमा बिरामीको अवस्थालाई भौगोलिक र उमेरका आधारमा बर्गिकरण गरेर विष्लेशण गर्नु हुन्छ ।
छोटकरीमा जव मानीसको उमेर ४० वर्ष पार हुन्छ उसलाई हाड जोर्नी सम्बन्धीको बढि रोग देखा पर्छ भने त्यो भन्दा कम उमेर समुहमा औषत भन्दा कम बिरामी आउने गरेका छन् ।
यस्तै शहर भन्दा गाउँका मानीसमा यो रोगको जटिलता बढि हुने गर्छ । किनकी शहरका मानीस सामान्य दुखाई हुँदैपनि अस्पतालको सहज पहुँचका कारण चिकित्सकको सल्लाह लिन आउने तर गाउँमा चाहि यत्तीको त दुख्दै छ भनेर यत्तिकै बसिदिने अनी त्यसले निकै गाह्रो बनाए पछि मात्रै अस्पताल आउने गरेको अनुभव रहेको छ । जुन जटिल अवस्थामा पुगिसकेको हुन्छ ।
डा. साहले हाम्रो दैनिकीलाई सहज बनाउँदै नसा र हाड जोर्नीको सुरक्षा कसरी गर्ने भन्नेबारेमा अनुसरणीय कुरा गर्नु भएको छ ।
यसको भीडियो यहाँ राखीएको छ ।
