दमक/
सुनौलो नेपाल अभियानले सोमबार झापाको दमकमा रक्तदान सम्पन्न गरेको छ । लैङ्गिक हिंसा विरुद्धको १६ दिने अभियान अन्तर्गत समाजले दमक स्थित गणतन्त्र चोकमा रक्तदान गरेको हो । दमक नगरपालिकाकी उप प्रमुख गीता अधिकारीको प्रमुख आतीथ्यतामा सम्पन्न रक्तदान कार्यक्रममा कुल ३५ जनाले रक्तदान गरेका थीए ।
रगतको अभावमा कोहि पनि महिलाको ज्यान जान नपरोस भनेर यस प्रकारको कार्यक्रम आयोजना गरिएको समाजकी अध्यक्ष लिला ढुङ्गेल दाहालले जानकारी दिनुभयो ।
घरैबाट सुरु गरौ महिला हिंसा अन्त्य गरौ भन्ने मुल नाराका साथ अभियन गत नोभेम्बर २५ तारिख देखी आगामी डिसेम्बर १० तारिख सम्म सञ्चालन हुने छ । अभियान अन्तर्गत दमकमा हरेक दिन विभिन्न सघं सस्थाहरुले लैङ्गीक हिंसा विरुद्धका कार्यक्रमहरु गरिरहेका छन् ।
