धरान/
कोरोना भाइरसको नया भेरियन्ट ओमोक्रोन नेपालमा समेत देखा पर्न थालेपछि अस्पतालहरुले सेवाग्राहीलाई सरल र सुलभ ढंगले उपचार गर्ने विधि अपनाउन थालेका छन् ।
यसै क्रममा धरानस्थित बीपी कोइराला स्वास्थ्य विज्ञान प्रतिष्ठानले कोरोना भाइरस संक्रमणलाई मध्यनजर गरी घरमै बसी बसी बिल काट्ने प्रविधिको शुरुवात गरको छ । यसले कोरोना सक्रमण न्यूनिकरणमा सहयोग त पुग्छ नै विरामीहरुले समेत सहज रुपमा उपचार गर्न सक्ने हुँदा विरामीहरु समेत लाभान्वित हुने भएका छन् ।
घण्टौं लाइनमा बसेर बिल काट्नु पर्ने बाध्यतालाई हटाउँदै धरान स्थित वीपी कोइराला स्वास्थ्य विज्ञान प्रतिष्ठानले अनलाईनबाटै बिल काट्ने प्रविधिको शुरुवात गरेको छ ।
प्रतिष्ठानले कोरोना महामारीको समयमा अनलाईन सिस्टम लागु गर्न खोजे पनि विभिन्न प्राविधिक समस्याले चालु गर्न नसकेको अनलाईन बिल काट्ने प्रविधिलाई परिमार्जन गर्दै सञ्चालनमा ल्याएको हो ।
प्रदेश एक सहित प्रदेश दुई र भारतीय बिरामीहरु समेत उपचारका लागि प्रतिष्ठान आउने गर्दछन् । दैनिक जसो तीन हजार बिरामीहरुले सेवा लिने गरेका छन् । बिल काट्न नै सहज नहुँदा बिरामीको गुनासो बढ्दै गए पछि पुनः अनलाईन टिकट वितरणमा डिजिटल सेवाको शुरुवात गरिएको हो ।
धरान १५ का सेवाग्राही ज्ञानेन्द्र बस्नेतले अहिलेको कोरोना महामारीका समयमा कोरोनाबाट बच्न यसले ठूलो सहयोग पुग्ने बताउदै विरामीलाई समेत अनावश्यक झन्झट नहुने बताउनुभयो । उहाँले अहिले विमाबाहेकका बिलहरु अनलाइनमार्फता हुने गरेको बताउदै विमालाई समेत यो सुविधामा ल्याउन प्रतिष्ठानसँग अनुरोध गर्नुभयो ।
प्रतिष्ठानले गत शुक्रबार देखि एप मार्फत डिजिटल सेवा शुरु गरेको जनाएको छ । अस्पताल प्रशासनका अनुसार मोवाइल एप्लिकेसन मार्फत विरामीले अनलाइन टिकट लिन सक्नेछन् । सेवाग्राहीले एन्ड्रोइड मोवाइलको प्ले स्टोरबाट विपिकेआइएचएस एप्लिकेसन डाउनलोड गरेर एपबाटै टिकट काट्न सक्ने जनाएको छ । यो प्रविधिले घण्टौ लाइनमा बसेर पुर्जी काट्नुपर्ने बाध्यताबाट विरामीहरुले छुटकारा पाउने प्रतिष्ठानकी कर्मचारी सिर्जना गुरुङले बताउनुभयो ।
उहाका अनुसार सेवालाई विस्तार गरेर ल्याब परिक्षणका रिपोर्टहरु पनि अनलाइनबाटै हेर्न मिल्ने बनाइने भएको छ ।
यस्तै पेइङतर्फको विरामीको नाम दर्ता पनि चाडै सञ्चालनमा ल्याउने तयारी रहेको अस्प्तालले जनाएको छ । यो सेवाको उपयोग गर्न बिरामीलाई सिकाउन टिकट काउन्टर भवनको बाहिर सहयोगी समेत राखिएकोे छ ।
एप्स मार्फत कुन विभागको कुन टिममा विरामी देखाउने भनेर छान्न सकिने गरी विकास गरिएको छ । विरामीले अघिल्लो दिन नै अनलाइन रजिष्ट्रेसन गर्नुपर्ने र विरामी सिधै ओपिडीमा गएर डाक्टरलाई भेट्न सक्ने प्रबन्ध मिलाइएको अस्पतालले जनाएको छ । यस्ता नया कामहरु दीर्घलीन हुनुपर्ने सर्वसाधारणको भनाई छ । विगतमासमेत विल काट्न टोकन सिस्टम बनाएको र दुई महिना नवित्दै बन्दभएको भन्दै यो पनि सस्तो लोकप्रियताका लागि नभई प्रतिष्ठानले विरामीको हितलाई ध्यानमा राखेर दीर्घकालीन रुपमा सञ्चालन गर्नुपर्ने सर्वसाधारणको भनाई छ ।
