ताप्लेजुङ — जिल्लाको दोस्रो ठूलो व्यापारिक केन्द्र दोभान बजार बाढीको जोखिममा परेको छ । मैवा खोलामा आएको बाढीले धार परिवर्तन गरेर बस्ती केन्द्रित भएपछि जोखिम बढेको हो । यहाँका व्यापारीहरु अहिले घरको सामान सुरक्षित ठाउँमा सार्न थालेको मेरिङदेन गाउँपालिका–३ का वडाध्यक्ष गजेन्द्र लिम्बूले जानकारी दिए । दोभान बजार निवासी वडाध्यक्ष लिम्बूका अनुसार शनिबार बेलुका मैवाखोलामा बाढी आएपछि यहाँका बासिन्दा सुत्न पाएका छैनन् । ‘सुरुमा पारिपट्टिबाट बगिरहेको थियो, राति २ बजेपछि धार परिवर्तन गरेर बस्ती केन्द्रित भएपछि समस्या भएको छ,’ व्यापारी टंक खतिवडाले भने, ‘२०७२ सालदेखि बस्तीको सुरक्षाका लागि लगाएको ग्याभिङ वाल सबै भत्काएको छ ।’ वडाध्यक्ष लिम्बूका अनुसार एक्सकाभेटर मेसिन प्रयोग गरेर ठूल्ठूला ढुंगा लगाउन सके केही राहत होला भन्दै त्यसको तयारी गरिएको छ । दोभानमा ७६ परिवारको बसोबास रहेको छ । व्यापारिक केन्द्र भएकाले यहाँका अधिकांशले व्यापार, व्यवसाय गर्दै आएका छन् । २०७८ सालमा यो बजारमा आगोले पनि क्षति पुर्याएको थियो ।
जताततै माताहरुको सम्मान, माताहरुको महानताप्रति सबै नतमस्तक
१ दिन अगाडि
दमक, १३ बैशाख / जननि जन्मभूमिश्च स्वर्गादपी गरियसी । अर्थात जन्मदिने आमा धर्ती समान हुन्छिन् । यो संसारमा आमाको जत्तिको महत्व केही चिज बस्तुको नि
