दमक /
लियो जिल्ला परिषद् ३२५ सी को जिल्ला अधिबेशनबाट इटहरीका नवराज सिंह खड्का निर्बिरोध निर्वाचित भएका छन् ।
शनिवार इटहरीको लायन्स भवनमा भएको निर्वाचनबाट अध्यक्षका एकल उम्मेद्वार खड्का निर्विरोध निर्वाचित भएका हुन् ।
लियोको जिल्ला परिषद् उपाध्यक्षका रूपमा काम गरिसकेका उनी इटहरी सुनसरी लियो क्लबको अध्यक्ष हुँदै जिल्ला परिषद्का विभिन्न पदहरूमा काम गरिसकेका थिए ।
निर्वाचित भएपछि खड्काले आफ्नो क्षेत्रमा रहेका लियो क्लबले गर्ने हरेक गतिविधिमा जिल्ला परिषद्ले पुलको काम गर्ने र सम्पुर्ण लियोमा लागेका युवालाईहरू नेतृत्वमा ल्याउन आफू क्रियाशिल रहने बताए ।
लियोलाई ब्रान्डिङ गर्दै समाजका अन्य युवाहरूलाई समेत लियोमा आकर्षण गर्न बिभिन्न योजनाहरू बनाएर चाडैँ सार्वजनिक गर्ने खड्काको भनाइ छ । आफ्नो योजनामा सबैको साथ र समर्थन आफुलाई प्राप्त हुने बिश्वास खड्काले व्यक्त गरेका छन् ।
त्यस्तै लियोको जिल्ला परिषद उपाध्यक्षमा लियो मोहम्द अब्बुबकर राइन निर्वाचित भए । राइन पनि बिगत लामो समय देखि लियोको अभियानमा लागेर सामाजिक काममा समर्पित ब्यक्ति हुन ।
निर्वाचित खड्काले आफ्नो कर्याकालको आफ्नो बोर्ड चाँडै नै मनोनयन गरी सार्वजनिक गर्ने बताए ।
