गुडिरहेको अटोबाट लड्दा २२ वर्षीया युवतीको मृत्यु

उदयपुरउदयपुरमा गुडिरहेको अटोबाट लडेर २२ वर्षीया युवतीको मृत्यु भएको छ ।

कोसी प्रदेश ट्राफिक प्रहरी कार्यालय इटहरीका अनुसार उदयपुरको त्रियुगा ९ स्थित गाईघाटबाट चुहाडेतर्फ जाँदै गरेको प्र–२–०१–००१ ह ०३८१ नम्बरको अटोमा सवार त्रियुगा ७ बस्ने २२ वर्षीया कमला खतिवडा अटोबाट लडेर मृत्यु भएको हो ।

आफ्नो डकुमेन्ट अटोबाट झरेकोले खतिवडा गुडिरहेको अटोबाट अचानक झरेको कारण लडेर गम्भीर घाइते भएकी थिइन् ।

उनको उपचारको क्रममा विराटनगरस्थित न्यूरो अस्पतालमा मृत्यु भएको प्रहरीले जनाएको छ ।

अटो चालक त्रियुगा ३ बस्ने ३५ वर्षीय यमबहादुरलाई प्रहरीले नियन्त्रणमा लिएर आवश्यक अनुसन्धान अगाडि बढाएको छ ।

अटो तीव्र गतिमा रहेका कारण दुर्घटना भएको प्रहरीको प्रारम्भिक अनुसन्धानबाट खुलेको छ ।

 

Share:

Facebook
Twitter
Email
WhatsApp