काठमाडौं। प्रधानमन्त्री पुष्पकमल दाहालकी पत्नी सीता दाहालको निधन भएको छ। उनको बुधबार बिहान नर्भिक अस्पतालमा ह्दयघाटबाट निधन भएको हो। अस्पतालका अनुसार सीताको आज बिहान ८ ३३ बजे निधन भएको छ। स्वास्थ्य अवस्था गम्भीर भएपछि उनलाई आज बिहान अस्पताल लगिएको केही समयपछि उनको निधन भएको हो।
पार्किन्सन जस्तो देखिने एक जटिल प्रकारको रोग ‘प्रोग्रेसिभ सुपरान्युक्लियर पाल्सी (पीएसपी)’ बाट पीडित सीता लामो समयदेखि थला परेकी थिइन्।
उनको पार्थिव शरीर श्रद्धाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडा, कोटेश्वरमा राखिने र २ बजे पशुपति आर्याघाटमा अन्तिम संस्कार गरिने प्रधानमन्त्रीको सचिवालयले जनाएको छ। उनी नेकपा माओवादी केन्द्रकी केन्दीय सचिवालय सल्लाहकार थिइन्।
