झापा / मोरङ, झापा र इलामका विभिन्न स्थानहरूबाट अवैध लागूऔषधसहित पाँचजनालाई प्रहरीले पक्राउ गरेको छ ।
पक्राउ पर्नेमा मोरङको पथरीशनिश्चरे नगरपालिका ४ का ३९ वर्षीय धनबहादुर थापा रहेका छन् । इलाका प्रहरी कार्यालय पथरीबाट खटिएको प्रहरी टोलीले साउन १ गते दिउँसा १ः४५ बजे उनलाई पक्राउ गरेको हो ।
उनका साथबाट प्रहरीले प्रतिबन्धित औषधि ट्रमाडोल ६ सय २९ थान र स्पास्पेन ६ सय ६५ थान बरामद गरेको थियो ।
यसैगरी, झापाको मेचीनगर नगरपालिका ६ बाट प्रहरीले सोही स्थानका २९ वर्षीय अशोक डुम्जनलाई पनि पक्राउ गरेको छ ।
प्रदेश ०२-०२२ प ८७२७ नम्बरको मोटरसाइकलमा भारतबाट नेपालतर्फ आउँदै गरेका डुम्जनको साथबाट ८ मिलिग्राम ब्राउनसुगर फेला परेको प्रहरीले जनाएको छ ।
उता, इलामको सूर्योदय नगरपालिका ६ कन्यामबाट पनि प्रहरीले एक युवकलाई पक्राउ लागूऔषधसहित पक्राउ गरेको छ ।
झापाबाट इलाम जाँदै गरेको बा २१ च ७९७१ नम्बरको कारमा लुकाई—छिपाई लादै गरेको लागूऔषध ब्राउनसुगरसहित स्थानीय २४ वर्षीय समीर तामाङलाई प्रहरीले पक्राउ गरेको हो ।
पक्राउ परेका सबैजनामाथि थप अनुसन्धान भइरहेको कोसी प्रदेश प्रहरी कार्यालय विराटनगरले जनाएको छ ।
