दमक/
आज नेपाल कम्युनिस्ट पार्टीका संस्थापक महासचिव पुष्पलाल श्रेष्ठको ४५औँ स्मृति दिवस विभिन्न कार्यक्रम गरि देशै भरी मनाइरहिएको छ ।
यहि सन्दर्भमा दमकमा श्रेष्ठको सम्झनामा कार्यक्रम गरिएको छ । नेकपा एमाले दमक नगर कमिटीले औपचारिक कार्यक्रमको आयोजना गरि श्रेष्ठले नेपाली कम्यूनिष्ट आन्दोलनमा पुर्याउनु भएको योगदानको स्मरण गरेको छ ।
औपचारिक कार्यक्रम सुरु गर्नु अघी कार्यक्रममा उपस्थिती नेता तथा अन्य सदस्यहरुले श्रेष्ठको तस्विरमा माल्यर्पण गरेका थिए ।
कार्यक्रममा पार्टिका केन्द्रिय सदस्य तथा दमक नगरपाकिलाका पूर्व नगर प्रमुख रोमनाथ ओलीले कम्यूनिष्ट आन्दोलदनमा पुष्पलालको भूमिका बारेमा कार्यपत्र पेष गर्नु भएको थियो । सो कार्यपत्रमा श्रेष्ठको पारिवारिक पृष्ठभूमि, उहाँको व्यक्तित्व , आचरण, संघर्ष त्याग र प्राप्तीका कुराहरु उल्लेख गरिएको छ ।
कार्यक्रममा पार्टिका केन्द्रिय सदस्य ओली सहित गिता अधिकारी, प्रदेश कमिटी सदस्य अम्बिका खनाल, नन्दि अधिकारी लगायत नेताहरुको उपस्थिती रहेको थियो ।
दमक नगर कमिटीका अध्यक्ष गेहनाथ पोखरेलेको अध्यक्षतामा सम्पन्न कार्यक्रममा नगरमा रहेका पार्टिका सबै जनवर्गिय संगठनका पदाधिकारी तथा नेतृत्वहरुको उपस्थिती रहेको थियो ।
को हुन पुष्पलाल
विसं १९८१ असार १५ गते रामेछापको भंगेरीमा जन्मनु भएका श्रेष्ठको २०३५ साउन ७ गते भारतको गोविन्दवल्लभ पन्त अस्पतालमा उपचारका क्रममा निधन भएको थियो ।
पुष्पलालले जनताका पक्षमा अधिकार स्थापित गर्ने लक्ष्यका साथ २००६ वैशाख १० मा भारतको कोलकाताको श्यामबजारमा नेपाल कम्युनिस्ट पार्टीको स्थापना गरेका थिए। पुष्पलाल, नरबहादुर कर्माचार्य, निरन्जनगोविन्द वैद्य, नारायणविलास जोशी र मोतीदेवी श्रेष्ठको सक्रियतामा नेपाल कम्युनिस्ट पार्टीको स्थापना भएको थियो ।
नेकपा स्थापना गर्नुअघि उनले विसं १९९८ मा प्रेमबहादुर कंसाकार, शम्भुराम श्रेष्ठ, सूर्यबहादुर भारद्वाज र रामराजासंँग मिलेर नेपाली प्रजातान्त्रिक संघ गठन गर्नु भएको थियो ।
