दमक/
समाजमा हुने विभिन्न प्रकारका दुष्प्रचार र द्धेषपूर्ण अभिव्यक्ति विरुद्ध ऐकवद्धता जनाइएको छ ।
दमक नगरपालिका वडा नं ४ मा आयोजना गरिएको एक कार्यक्रममा यहाँका सरोकारवाला, राजनैतिक दलका प्रतिनिधी, जनप्रतिनिधीहरुलाई सहभागी गराई यसका विरुद्धमा ऐकवद्धता गराइएको हो ।
शी लिड्स् अर्थात महिला नेतृत्व कार्यक्रमले दमकका महिला जनप्रतिनिधीहरुलाई यसबारेमा अभिमुखीकरण कार्यक्रम गरेपछि दुष्प्रचार र द्धेषपूर्ण अभिव्यक्तिले समाजमा नकरात्मक असर पार्ने भन्दै यसका विरुद्धमा सामाजीक एकता र ऐकवद्धता जनाइएको हो ।
दमक नगरपालिकाकी कार्यपालिका सदस्य तथा वडा नं ४ कि महिला सदस्य शारदा सापकोटाको नेतृत्वमा भएको यो कार्यक्रममा वडा नं ४ का वडाध्यक्ष पुण्ड्य प्रसाद दाहालले अध्यक्षता गर्नु भएको थियो ।
उहाँले दुष्प्रचार र द्धेषपूर्ण अभिव्यक्तिका विरुद्धमा आफ्नो ऐकवद्धता रहेको बताउँदै यसले समाजमा नकरात्मक सन्देश मात्रै दिने, चरित्र हत्या गर्ने जस्ता काम मात्रै हुने भएकोले यसका विरुद्धमा एक भएर दुष्प्रचार र द्धेषपूर्ण अभिव्यक्ति रहित समाज निर्माणमा आफ्नो प्रतिवद्धता रहेको उहाँले उल्लेख गर्नु भयो ।
दुष्प्रचार र द्धेषपूर्ण अभिव्यक्ति रहित समाज निर्माण अहिलेको समयको आवश्यकता भएकोले यसलाई स्थापीत गर्नु सबैको दायित्व रहेको भन्दै कार्यक्रममा उपस्थिती भएकाहरुले सामुहिक हस्ताक्षर समेत गरेका थीए ।
यो कार्यक्रमलाई दमकका १० वटै वडा सम्म पुर्याउने र अझ बृहत बनाइ दुष्प्रचार र द्धेषपूर्ण अभिव्यक्ति रहित दमकको समाज निर्माण गर्ने अभियान चलाइने कार्यपालिका सदस्य सापकोटाले उज्यालो खवरलाई जानकारी दिनु भयो ।
