दमक/
केन्द्रको गठबन्धनको असर प्रदेश र पालिका स्तरमा पनि परेपछि यसले संघियतालाईनै प्रश्न गरिरहेको छ । संघियताको पक्षमा रहेका दलहरुलेनै यसको बर्खिलाप गरिरहेका छन् भन्दा खास फरक नपर्ने भयो ।
कुन प्रदेशमा कस्को र कस्तो सरकार बन्ने भन्नेबारेमा केन्द्रका नेताहरुले छलफल गर्ने र निष्कर्ष निकाल्ने त्यहि अनुसार प्रदेशका नेताहरुले कार्यान्वायन गर्ने गरेका कारण नेताहरुलेनै संघियताको बर्खिलाप गरेका हुन ।
यसैको उदाहारण स्वरुप आज कोशी प्रदेशमा गठबन्धनको सरकार बनाउन नेपाली काग्रेसका संसदीय दलका नेता उद्धव थापा फेरि मुख्यमन्त्रीमा नियूक्ति हुनु भएको छ ।
उहाँलाई केन्द्रमा भएको गठबन्धनका दलहरुको समर्थन रह्यो , त्यतिले मात्रै संख्या नपुग्ने भएर समामुखलाई राजिनामा समेत गराएर भएपनि उहाँले आफुलाई बहुमत संख्या पुर्याएरै मुख्यमन्त्रीको दावि पेष गर्नु भएको थियो ।
संख्यात्मक आधारमा अहिले उहाँले ४७ जनाको हस्ताक्षर सहित प्रदेश प्रमुखलाई पेष गर्नु भएको छ । यहाँ सरकार बनाउन पनि यतीनै मात्रमा सांसद संख्या चाहिन्छ ।
यसअघि थापाले संविधानको १६८ को उपधारा २ अनुसार कांग्रेस, माओवादी केन्द्र, एकीकृत समाजवादी र जसपाको समर्थनमा मुख्यमन्त्री दाबी गरेका थियो ।
थापालाई मुख्यमन्त्री बनाउन कांग्रेसका २९, माओवादीका १३, एकीकृत समाजवादीका ४ र जसपाका १ सांसदले समर्थन गरेका छन्।
यसअघि सभामुख बाबुराम गौतमले छुट्टै हस्ताक्षर गरेर थापाले मुख्यमन्त्रीको दाबी पेश गरेकोमा अहिले गौतमले सभामुखबाट राजीनामा दिइसकेकोले उहाँ माओवादी संसदीय दलका सदस्य कायम रहेकोले गठबन्धनसँग बहुमत अर्थात ४७ सांसद पुगेका हुन ।
