दमक/
कोशी प्रदेशका मुख्यमन्त्री उद्धव थापाले सोमबार सदनबाट विस्वासको मत लिने जानकारी संसदलाई गराइसक्नु भएको छ । अत्यन्तै झिनो समर्थन सहित मुख्यमन्त्री बन्नु भएका थापालाई विस्वासको मत लिन उती सहज छैन ।
विभिन्न परिस्थितीहरुको सामना गर्दै विस्वासको मत लिने तयारी उहाँले गर्नु भएको छ । खासगरि अहिले प्रदेशको संसद सभामुख बिहिन छ । यस्तो परिस्थितीमा मुख्यमन्त्रीलाई सोधिएको पहिलो प्रश्न छ
तपाईले विस्वासको मत पाउँने आधार के ?
जवाफमा विश्वासको मत प्राप्त गर्नका लागि गठबन्धनसँग ४७ सङ्ख्या छ । बहुमत ४७ नै हो मैले विश्वासको मत पाउँछु,’
विश्वासको मत लिने दिनसम्ममा आफूले प्रतिपक्ष दलसँग पनि छलफल गर्ने छु । विश्वासको मत लिने वातावरण बनाउन कै लागि भदौ ४ गतेसम्मको समय लिएको हुँ । उपसभामुखले राजीनामा दिएर अप्ठ्यारो परिस्थिति सिर्जना हुने अवस्था भए त्यसबेला अर्को विकल्पमा जाने सकिने छ । यद्यपि त्यस्तो अवस्था सिर्जना नहोस भन्नकालागि म हदैसम्मको लचिलो भएर संवाद गरिरहेको छु।
प्रदेशमा गठबन्धनको सरकार भन्दा पनि सहमतीय सरकार बनाएर जानुपर्छ भन्ने प्रतिपक्षको कुरा हो । प्रदेशभित्रको राजनीतिलाई स्थिरता बनाएर जाने भन्ने हाम्रो कुरा पनि त्यहि नै हो । यदि त्यो गर्न सकेनौँ भने प्रदेशका माननीयहरूको आयु घट्ने देखिन्छ । त्यसकारण प्रदेशको स्थिरता र विकासका लागि सहमति, सहकार्य गरेर नै अगाडि बढ्नुपर्छ । दलहरुबीचको एकता नै अहिलेको आवश्यकता हो ।
दोस्रो प्रसङ्ग
तत्कालीन हिकमत कार्की नेतृत्वको सरकारले सदनमा अध्यादेश मार्फत ल्याएको बजेट त्यसको तीन महिना भित्रमै सदनले पास गरिसक्नु पर्छ । अहिले प्रदेश बजेट बिहिन छ । प्रतिस्थापन विधेयक ल्याएर प्रदेशलाई बजेट बिहिन बनाउनबाट जोगाउनु पनि मुख्यमन्त्री थापाकालागि चुनौतीको विषय हो ।
हामीले सोधेका छौ प्रदेशलाई बजेट होलिडे हुनबाट जोगाउन के गर्दै हुनुहुन्छ ?
जवाफमा उहाँले ‘प्रदेशमा बजेट शून्यतामा जाँदैन । ‘बजेट होलिडे हुने अवस्थाबारे सांसदले चिन्ता गर्नु स्वाभाविक हो । भदौ १० गतेभित्र हामीले प्रतिस्थापन विधेयक ल्याउनु पर्नेछ । हामी दलहरुबीचमा छलफल गरिरहेका छौ । प्रतिपक्षी दलहरूसहित छलफल गरेर हामी अगाडि बढ्छौँ । त्यो अवस्था आउन हामी दिँदैनौँ ।’
