दमक/
झापाको दमकमा रहेको ग्लोबल एजुकेशन एकेडेमीले यहाँ अध्ययन गर्ने विद्यार्थीको निशुल्क दन्त परिक्षण गराएको छ ।
दन्त परिक्षणको शिविरनै गराएर एकेडेमीले सञ्चालन गरेको यो अभियानमा विद्यार्थीहरुले आ आफ्नो दाँतको अवस्थाका बारेमा जानकारी लिएका थीए ।
यही विद्यालयमा अध्ययन गरिरहनु भएकी अञ्जली राउत भन्नु हुन्छ ‘विद्यार्थीको व्यस्ततालाई मद्यनजर गरेर विद्यालयमै दन्त शिविर हुदा आफ्नो दाँतको अवस्थाबारेमा बुझ्न सहज भयो ।
विद्यार्थीको दाँतको अवस्थाको बारेमा विद्यार्थीलाई अवगत गराउन पनि यो शिविरले महत्वपूर्ण भूमिका निर्वाह गरेको विद्यालयका प्रधानाध्यापक गुणराज अधिकारीले बताउनु भयो । साथै यहाँ शिविरमा प्राविधिक सहयोग गरेको सस्था ओम शान्त्ती डेण्टल हस्पिटलमा गएर उपचार गराउँदा विद्यालयका परिवारलाई दिइने छुट पनि पाइने भएकोले यसको जानकारी समेत गराउन यो शिविर गरिएको उहाँले उल्लेख गर्नु भयो ।
ओम शान्त्ती डेण्टलले विभिन्न शैक्षिक सस्थाहरुमा गएर निरन्तर स्वास्थ्य परिक्षण गराउँदै आएको छ । निजी तथा सामुदायीक विद्यालयका साथै समुदाय स्तरमै गएर पनि अस्पतालले शिविर सञ्चाल गरिरहेको अस्पतालका व्यवस्थापक कमल गैरेले जानकारी दिनुभयो । यस विद्यालयमा गरिएको शिविरमा ८ सय बढी विद्यार्थीको दन्त परिक्षण गरिएको गैरेले जानकारी दिनुभयो ।
भिडियोमा हेरौ
(2) विद्यार्थीको निशुल्क दन्त परिक्षण – YouTube
