दमक/
झापाको दमक ४ स्थित जानकी टोलमा यूवा सघंका सदस्य तथा पदाधिकारी पुगे । नेकपा एमालेको जनवर्गीय संठठन भएकोले एमालेका केन्द्रिय देखी प्रदेश सचिवालय कमिटी दस्यहरु पनि त्यहाँ पुगे ।
यो टोलमा मुख्यगरी भूमिहिन सुकुम्बासीहरु बस्ने गर्छन । वडा नं ४ र ५ को सिमानामा पर्ने खरखरे खोलाको पश्चिम किनारामा बस्ने बस्तिका बासिन्दाहरुलाई झुल वितरण गर्न यो टोली यहाँ आइपुगेको हो ।
पछिल्लो समय डेङ्गुको जोखिम अत्याधिक बढेकोले यसको नियन्त्रण गर्न घर बसेका बेलामा झुलको प्रयोगनै उत्तम विकल्प रहेकोले झुल वितरण गरिएको यूवा सघं दमक नगर कमिटिका अध्यक्ष विवेक भट्टराईले जानकारी दिनुभयो ।
बस्तिमा रहेका ३० परिवारलाई झुल वितरण गरिएको थियो । यसको सहि सदुपयोग गर्न अनुरोध गर्दै दमक नगरपालिकाका पूर्व नगर प्रमुख तथा एमालेका केन्द्रिय सदस्य रोमनाथ ओलीले डेङ्गुबाट जोगिन खासगरी सफा ठाउँमा धेरै समय सम्म पानी जम्न नदिन अनुरोध गर्नु भयो । यूवा सघंलाई यस खाले सामाजीक काम अझै शशक्त रुपमा अघी बढाउन उहाँले निर्देशन पनि दिनु भएको थियो ।
यहाँ वितरित झुल यूवा सघं दमकका इन्चार्ज राम पौडेलले व्यवस्थापन गर्नु भएको थियो । कार्यक्रममा एमाले कोशी प्रदेश कमिटीको सचिवालय सदस्य तथा प्रदेश सांसद होम बहादुर थापा, यूवा सघं केन्द्रिय सदस्य निशा लिम्बु लगायतको उपस्थिती रहेको थियो ।
