दमक/
कोशी प्रदेशमा नेकपा एमालेका हिकमत कार्कीको नेतृत्वमा सरकार बन्यो । शुक्रबार साँझ मुख्यमन्त्रीमा नियूक्त भएसँगै कार्कीले मन्त्रिपरिषद पनि बिस्तार गर्नु भयो ।
यसपछि उहाँले भन्नु भयो ‘कोशी प्रदेश अन्य प्रदेशको भन्दा जटील अवस्थामा छ । यहाँ सर्वदलीय सरकारनै बनाउने हो ।’ उज्यालो खवरसँग कुरा गर्दै मुख्यमन्त्री कार्की भन्नु हुन्छ ‘यो प्रदेशमा प्राप्त जनादेशले पनि सर्वदलीय सरकार निर्माणनै गर्नु भन्ने छ । यसलाई सबैले स्विकार गरेर अघी बढ्नुको विकल्प छैन । ’ यसकालागि आफुले प्रदेशको संसदमा प्रतिनिधीत्य गर्ने सबै दलसँग समन्वय गर्ने र सर्वदलीय सरका बनाउन आवश्यक पर्ने अधिकतम लचकता अपनाउने पनि बताउनु भयो ।
यता नेपाली काग्रेसले भने एमालेको सरकारमा सम्हीत नहुने प्रतिकृया दिएको छ । नेपाली काग्रेस संसदीय दलका नेता तथा नि वर्तमान मुख्यमन्त्री उद्धव थापाले अहिलेको परिप्रेक्षमा एमाले नेतृत्वको सरकारलाई समर्थन गर्ने अवस्था छैन । हामी केन्द्रकै गठबन्धन अनुसार यहाँ पनि सरकार बनाउन अधिकतम प्रयास गरिरहेका छौ । ’
थापाले एमाले सरकारले पनि सदनबाट बिस्वासको मत पाउन नसक्ने बताउँदै त्यसपछि संविधाको धारा १६८(५) बमोजिम सरकार बन्दा फेरि आफू नै मुख्यमन्त्री बन्ने सम्भावना रहेकोपनि उल्लेख गर्नु भयो । यो धारामा कुनैपनि सांसदलाई पार्टिको ह्वि समेत नलाग्ने भएकोले आफुले सदनमा बिस्तावको मत पाउने दावि गर्दै भन्नु हुन्छ ‘यती हुँदै भएन भने हामी मद्यावधिकमा जानुको विकल्पनै छैन । ’
