दमक/
दमक बजार क्षेत्रमा उत्पादन हुने फोहोर उठाउने जिम्मा नेक्स्ट इरा इनर्जी प्रालिलाई छ । तर यो सस्थाले असोज १ गते बिहानी पख फोहोर उठायो । अनी त्यस यता उठाउन छोडेको छ । जसले गर्दा बजार क्षेत्रमा फोहोरका डंगुरहरु थुप्रन थालेका छन् ।
तीन दिन सम्म फोहोर नउठेपछि सडकमा दुर्घन्ध फैलीन थाल्यो । सुन्दर र सफा नगरको उपमा पाएको दमकले फोहोरी नगर बन्न सक्ने दिशा तर्फ लम्कन खोजेको देखियो ।
खासमा सेवा प्रदायक सस्थाले नगरपालिकाले सम्झौता बमोजिमको रकम नदिएको र बजारबाट पैसा संकलन गर्न समेत स्किृत नदिइसकेकोले फोहोर उठाउँन बन्द गरेको जनाएको छ ।
सस्थाको प्रबन्ध निर्देशक बिमल खतिवडाले उज्यालो खवरसँग कुराकानी गर्दै भन्नु भयो ‘हाम्रो मासिक खर्च १७ देखी १८ लाख छ । खर्च व्यवस्थापन गर्न बाजारबाट पैसा पनि संकलन गर्न स्किृत नदिने अनी मासिक रुपमा दिइने सम्झौता बराबरको रकम पनि नगरपालिकाले नदिएपछि कसरी फोहोर उठ्छ ? खतिवडाले उज्यालोसँगको संवादका क्रममा प्रतिप्रश्न गर्नु भयो ।
सम्झौतामा नगरपालिकाले मासिक ८ लाख रुपैँया रकम दिने भन्ने उल्लेख भए पनि नियमीत र समयमा नआउँदा समस्या भएको जनाइएको छ । मासिक बजारबाट ५ देखी ६ लाख रुपैँया उठ्दै आएकोमा त्यो पनि नयाँ आर्थिक वर्ष लागेदेखी संकलन गर्न नपाएको खतिवडाले बताउनु भयो ।
नगरपालिकाले सम्झौता अध्ययन गर्न समिति बनायो
यसै सन्दर्भमा आज दिउँसो दमक नगरपालिकाले सम्झौता अध्ययन गर्न समिती बनाइएको छ । नगरकी उप प्रमुख रेगिना भट्टराई प्रसाईको संयोजकत्वमा ७ सदस्य समिती बनेको र समस्या तथा सम्झौताको बारेमा अध्ययन गर्न समिती बनाएको छ ।
नगर प्रमुख राम कुमार थापाले हस्ताक्षर गरि जारि गरेको बिज्ञप्तीमा सेवा प्रदायक सस्थालाई फोहोर संकलन गर्न अनुरोध पनि गरिएको छ । अध्ययन समितीलाई १० दिन भित्रमा अध्ययन गरि प्रतिवेदन पेष गर्न पनि नगर प्रमुख थापाले निर्देशन दिनु भएको छ ।
सेवा प्रदायक सस्था भन्छः फोहोरमा राजनिति गर्न खोजीयो
दमकमा देखियो फोहोर संकलनको समस्या अहिलेको मात्रै नभएर नयाँ जनप्रतिनिधी आएदेखीको भएको सेवा प्रदायक सस्था नेक्स्ट इरा इनर्जीले जनाएको छ । इनर्जीका प्रबन्ध निर्देशक खतिवडाले अहिलेका नगर प्रमुखसँग यसबारेमा संवाद गर्न खोज्दा कहिलै समय नपाइएको र ‘वान टु वान वार्ता हुन समेत नसकेको उल्लेख गर्नु भयो ।
नगर प्रमुख थापाले फोहोर संकलनलाई गम्भिरता नलिएको आरोप खतिवडाले लगाउनु भएको छ भने फोहोर संकलनमा उहाँले राजनैतिक पूर्वाग्राह राखेर समयमा आवश्यक निणर्य नगरिदिदा समस्या सिर्जना भएको बताउनु भयो । तर नगर प्रमुख थापा भने यो कुरा स्विकार गर्नु हुन्न ।
‘उहाँहरुसँग दर्जनौ पटक छलफल भएका छन् । सम्झौतापत्रमा उहाँहरुको र हाम्रो बुझाई केहि फरक छ ।त्यहि भएर दुवै तर्फका जानकारहरुलाई राखेर अध्ययन गर्न भनि समिती बनाइएको छ ।
त्यसपछि के प्रतिवेदन आउँछ त्यहि अनुसार नयाँ निणर्य गरेर अघी बढ्ने छौ ।’ नगर प्रमुख थापाले बताउनु भयो । बजारमा गएर रकम संकलन गर्न नसक्ने उहाँहरु मुल्य समायोजनको स्पष्ट कारण समेत लिएर अउनु हुन्न । सम्झौता बमोजिम फोहोर उठाउन नसक्ने भए विकल्प दिनुस सम्म पनि भनेका छौ ।’ थापाले बताउनु भयो ।
भोली देखी फोहोर उठाउन नेक्स्ट इरा तयार
आज नगरपालिकाले भुक्तानी गर्न बाँकी रहेको रकम आएपछि नेक्स्ट इराले भोलीदेखी फोहोर उठाउने भएको छ । नगरपालिकाका प्रमुख प्रशाषकिय अधिकृत गणेश कार्कीले रकम भुक्तानी गर्ने आश्वाषन दिएका कारण भोलीदेखी फोहोर उठाउन तयार भएको खतिवडाले बताउनु भयो ।
