दमक/
कोशी प्रदेशस्तरीय अन्तर हस्पिटल फुटसल प्रतियोगिताको उपाधी दमककै निम्स नेशनल अस्पतालले जितेको छ ।
दमकमा प्रदेशमै पहिलो पटक सञ्चालन गरिएको प्रतियोगितामा झापाकै बिर्तामोडमा रहेको बिर्ता सिटि अस्पताललाई पराजीत गर्दै निम्सले उपाधि जितेको हो ।
गत असोज १३ सुरु गरिएको प्रतियोगितामा आज भएको सेमि फाईनल खेलमा दमककै लाईफलाईन अस्पताललाई पराजित गर्दै निम्स फाईनल पुगेको थियो भने ईलामको चुलाचुली आधारभुत अस्पताललाई पराजित गर्दै बिर्ता सिटि फाईनल पुगेको थियो ।
दमकको विस्ट फुटसल मैदानमा सन्चालीत प्रतियोगिताको बिजेता टिम निम्शले नगद ३० हजार रुपैयाँ सहित मेडल र ट्रफि प्राप्त गरेको छ भने उपबिजेतामा चित्त बुझाउनु परेको बिर्तासिटिले नगद २० हजार रुपैयाँ सहित ट्रफि मेडल र प्रमाणत्र प्राप्त गरेको छ ।
त्यस्तै उत्कृष्ट खेलाडीको उपाधि विर्तासिटीका पिताम्बर निरौला, सर्वाधिक गोलकर्ताको उपाधि निम्सका निरज बोहोरा र उत्कृष्ट गोलरक्षकको उपाधि विर्तासिटीका असिम भट्टराईले जित्नु भएको छ ।
बिजेता तथा उप बिजेता टिमलाई दमक नगर खेलकुद बिकाश समितिका अध्यक्ष भिमराज केसीले पुरस्कार वितरण गर्नु भएको थियो ।
दमकको सीटिसि फिजियोथेरापी, बिकाश एडभरटाईजिङ र रोपाना वेल्नेस सेन्टरको संयुक्त आयोजनामा फुटसल प्रतियोगिता सञ्चालन गरिएको आयोजक समितिका अध्यक्ष बिनोद भट्टराईले जानकारी दिनुभयो ।
प्रतियोगितामा का १२ वटा हस्पिटलले सहभागिता जनाएका थिए ।
