इलाम/
इलाम जिल्लाको उच्च पहाडी क्षेत्रमा हिमपात भएको छ ।
उच्च पहाडी क्षेत्र सन्दकपुर, जौबारीलगात स्थानमा मंगलबार बेलुकीदेखि हिमपात भएको हो ।
जिल्लाको सन्दकपुर गाउँपालिकाको सन्दकपुर, जौबारी र कालपोखरी र गैरीबास इलाम नगरपालिकाको पाटेनागीलगायत स्थानमा वर्षासहित हिमपात भएको छ ।
हिउँ परेपछि सदरमुकामलगायत वरपरका बासिन्दा हिउँमा खेल्न गएका छन् ।
हिमपातका कारण चिसो बढेकाले जिल्लाका उच्च पहाडी क्षेत्रको जनजीवन कष्टकर भएको छ ।
सदरमुकामलगायतका ठाउँमा पनि चिसो बढेको छ । हिउँ परेको क्षेत्रमा गाईबस्तुलाई घाँस खुवाउन र बाहिरको काम गर्न समस्या भएको स्थानियहरुको भनाई छ ।
हिउँ परेपछि हिउँमा खेल्न पर्यटकहरुको आकर्षण बढेको छ ।
हिमपातका कारण पाँचथरको पौवाभञ्ज्याङमा सडक यात्रा सकस भएको यात्रुले गुनासो गरेका छन्
