दमक/
अंग्रेजी नयाँ वर्षको दिनलाई नेपाली जनमानसले भने फरक तरिकाले मनाउन थालेका गरेका छन् । पश्चिमा संस्कृतिको प्रभाव बढ्दै गएको भन्दै २०७० सालदेखि आम नागरिकले स्वत स्फूर्त रुपमा टोपी दिवस मनाउन थालेका हुन ।
मेरो टोपी कैलाशको शिर जस्तो..,
हिमलको भीर जस्तो…….
यो गीतमा गायक गोपाल योञ्जनले भन्नु भएको जस्तै नेपाली टोपीको महिमा कैलाशको शिर जस्तै छ । हिमालको भिर जस्तै छ । कहिलै नझुक्ने यी हिमाल र पहाड जस्तै नेपाली टोपी लगाउने नागरिकको शिर पनि सँधै उच्च हुन्छ । यो टोपी लगाउँदा आम नेपालीको शिरसँधै माथी मात्रै हुन्छ । यो भावले नेपाली राष्ट्रियतालाई बलियो बनाउछ ।
बिदेशको जुनसुकै कुनामा गएपनि ढाका टोपी लगाउनेले आफ्नो पहिचान बताइरहनै पर्दैन । नेपाली हो भन्ने कुरा टोपी हेरेरै थाह हुने गर्दछ । विश्व युद्धमा ढल्किएका वीरको शिरलाई शोभायमान गर्दै सगरमाथाका शिरसम्म लागेको नेपाली टोपीको महिमा अत्याधिक छ । यसका नाममा बिभिन्न गीत रचिएका छन् ।
कहिले शिर शोभायमान गर्दै त कहिले पसिनाको लाज राख्दै खेत देखि विदेशसम्म नेपालीपनको शान नेपाली टोपीले दिने गर्दछ । टोपीको महत्व नयाँ पुस्तालाई थाह दिनकालागि झापाको दमकमा जीवन चक्र समाजले टेपी दिवस मनायो । शनिबार बिहान सम्पन्न भएको कार्यक्रममा होमियो पैथिक चिकित्सक तथा समालोचक डा. लेखनाथ न्यौपालेने नेपालको पहिचान सगरमाथा र अन्य पहाडजस्तै टोपी पनि रहेको उल्लेख गर्नु भयो । टोपीले राष्ट्रिय एकता गराउने भएकोले यहाँ न जात न धर्म न धनी न गरिव केहिको पनि बर्गिकरण नगरी सबैलाई एकतामा राख्ने र एउटै पहिचान दिने भएकोले नेपाली टोपीको उच्च महिमा रहेको डा. न्यौपानेले उल्लेख गर्नु भयो ।
टोपी लगाउँदा यसले पहिचान मात्रै झल्काउदैन । यसले शरिरमा बिभिन्न प्रकाकारका शक्तीपनि पैदा गराउँछ । बिषेश गरि मस्ष्तिकलाई यसले थप चलायमान बनाउन , सकरात्मक सोचको विकास गराउन मद्यत गर्ने जानकी मेडिकल कलेज एण्ड हस्पिटलका सञ्चालक समितीको सल्हाकार तथा यहि अस्पतालका अन्तराष्ट्रिय सम्बन्धका निर्देशक प्राध्यापक डा. राम प्रसाद उप्रेतीलेले बताउनु भयो ।
पहाड या हिमाल हैन तराई अनि विदेशमा रहेको नेपालीका लागि पनि यस टोपी उत्तिकै महत्त्वपूणर् छ । ढाका टोपीको इतिहासलाई हेर्दा हामी भारतमा ब्रिटिस साम्राज्यको राजकाजबाट हेर्नुपर्ने हुन्छ । त्यस समयमा भारतमै रहेको बङ्गलादेशमा निर्माण हुने टोपीको कपडा बङ्गलादेशको ढाकामा बन्ने गर्दथ्यो जसलाई नेपालसम्म आयात गरिन्थ्यो ।
क्रमशः ढाकामा बनेको यस टोपीलाई ढाका टोपी भनिन थाल्यो, यही टोपी नेपाली शानको पर्याय हुन गएको हो । आज नेपाल ढाका कपडामा स्व निर्भर छ, पाल्पा लगायतका धेरै ठाउँमा ढाका कपडाको उत्पादन हुने गर्दछ ।
भिडियो हेर्नुस
