दमक/
कोरोनाका कारण बालबालिकाको सिकाई पक्रियामा निकै असर देख्यो । महिनौ मात्र होईन वर्षदिन सम्म विद्यालयका कोठा बन्द भए । लामो अन्तरालपछि अहिले विद्यालय सञ्चालन भएका छन् । नियमित पठाई सुरु भएको छ । तर फेरि ओमिक्रोन नामक कोरोनाको अर्को भेरियेण्टले विस्वमै संक्रमण बढाइरहेपछि नेपालका अभिभावकहरुमा पनि चिन्ता सुरु भएको छ । के फेरि विद्यालय होला वा ओमिक्रोनको असर बालबालिकामा कस्तो पर्ला भन्नेबारेमा । कोभिड बुटिको तेस्रो श्रींखला अन्तर्गतको चौथो भागमा ओमिक्रोनको कती जोखिममा बालबालिका छन् भन्नेबारेमा चर्चा गरिएको छ ।
झापाको दमक ९ का बोधराज सञ्जेलका ३ जना छोराछोरी छन् । यसमध्ये २ जना विद्यालयमा पढीरहेका छन् । एक जना कक्षा ६ मा र अर्को चाहि कक्षा १ मा । अहिले उहाँका छोराछोरी विद्यालय जाने गर्छन । झण्डै २ वर्षको शैक्षिक सत्र नै अवरोध पुर्याएको कोरोनाले अहिले विद्यालय सञ्चालन भएको हो । कोरोनाले सबै क्षेत्रमा असर पुर्याइरहदा अव आफ्ुना छोरोछोरीको पढाई के हुने होला भन्ने चिन्ता आम अभिभावकमा थियो । उहाँमा पनि चिन्ता थियो । तर अहिले विद्यालय सुरु भएको छ । छोराछोरीले पढ्न पाएकोमा उहाँ खुसी त हुनुहुन्छ तर फेरि कोरोनाको अर्को परिवर्तीत रुप ओमिक्रोन नेपालमा आएपछि कतै फेरि विद्यालय बन्द पो हुने हो कि भन्ने सञ्जेल चिन्तामा हुनुहुन्छ ।
अहिले सञ्चालन भएका विद्यालयमा विद्यार्थीहरुमा मास्कको प्रयोगलाई अनिवार्य गराउने गरिएको छ । शिक्षकहरुले कोरोना भाईरसका बारेमा कक्षा कोठामै पनि जानकारी गराइरहनु भएको हुन्छ । तर नेपालका विद्यालयमा कक्षा कोठाको संरचना साँधुरो भएकोले भौतीक दुरी भने अपनाउन चुनौती देखिन्छ । एउटै ब्रेन्चमा ५ देखी ६ जना सम्म विद्यार्थी बसेका छन् । दमक २ मा रहेको हिमालय माद्यमिक विद्यालयका प्रधानाध्यापक द्रोण श्रेष्ठले विद्यार्थीहरुमा कस्तो मास्क लगाउने, कसरी लगाउने जस्ता कुराको जानकारी गराउने गरेको बताउनु भयो । भौतिक दुरी कायम गराउन नसकेकोमा चाहि उहाँले चिन्ता पनि व्यक्त गर्नु भएको छ ।
कोरोनाको परिवर्तीत भाईरस ओमिक्रोन अहिले दु्रत गतीमा संक्रमण फैलाइरहेको छ । यसले शारिरिक रुपमा कम असर देखाएपनि संक्रमित हुनेको संख्यामा भने उच्च गतीमा देखिएको छ । यसको रोकथाम तथा नियनत्रण गर्नका लागि विभिन्न मुलुकहरुले नयाँ नयाँ नियमहरु बनाइरहेका छन् । नेपालका सिमावर्ती स्थानमा कडाई गर्न थालीएको छ । यस अघिको कोभिडमा पनि बालबालिकालाई निकै असर गर्छ भनेर भनियो । तर तथ्यांकमा त्यो देखिएन । कतिपय देशहरुले कोभिडबाट बच्नका लागि १२ वर्ष भन्दा कम उमेरका बालबालिकालाई यसका विरुद्धमा खोप लगाउन सुरु गरि सके । नेपालमा भर्खरै १२ वर्ष उमेर भन्दा माथीका बालबालिकालाई खोप लगाउने योजना सुरु गरिदैछ । यसले गर्दा कोरोनाको उचच जोखिममा बालबालिका रहेको आम्दा अस्पताल दमकका बालरोग विषेशज्ञ डा. लिला सुन्दर श्रेष्ठ बताउनु हुन्छ । बालबालिमामा कोरोना संक्रमण आफै आउँदैन । अभिभावक मार्फत आउन सक्ने भएकोले अभिभावक सचेत भएमा बालबालिकालाई बचाउन सकिने र विद्यालयमा स्वास्थ्य सुरक्षाका मापदण्डलाई थप कडाई गराउन डा. श्रेष्ठको सुझाव रहेको छ ।
दमकमा बालबालिकालाई ओमिक्रोन सहित अन्य रोग लागेमा उपचार गराउन बाल अस्पतालनै बनी रहेको छ । यो भौतीक संरचना निर्माणको कुरा हो । योसँगसँगै दमक नगरपालिकाले अभियानका रुपमा सबै विद्यालयमा कोभिड र कोभिडको परिवर्तीत रुपहरुका बारेमा जानकारी गराउने अभियान नै सञ्चालन गर्ने जनाएको छ ।
