दमक
दमक नगरपालिकाले दमकका बिभिन्न कृषक समुहहरुलई कृषि औजार वितरण गरेको छ ।
साना मेसिन औजार उपकरण वितरण कार्यक्रम अन्तर्गत सोमबार नगरपालिकाले समुहहरुलाई मकै छोडाउने मेसिन १५ वटा र पावर स्प्रेयर ३० वटा प्रदान गरेको हो । ती उपकरणहरु ५ लाख भन्दा बढी मूल्यका रहेको नगरपालिकाकी कृषी शाखा प्रमुख चन्द्रकला भट्टराईले जानकारी दिनुभयो ।
वहाका अनुसार ७५ प्रतिशत नगरपालिका र २५ प्रतिशत कृषकको लगानिमा मकै छेडाउने मेसिन र पावर स्प्रेयर वितरण गरिएको हो ।
नगर प्रमुख रोमनाथ ओलीको प्रमुख आतिथ्यतामा सम्पन्न कार्यक्रममा ओलीले वितरण गरिएका उपकरणहरुबाट कृषकलाई प्रत्यक्ष फाइदा पुग्ने भन्दै सहि ढंगले सदुपयोग गर्न आग्रह गर्नुभएको थियो ।
नगरपालिकाले कृषकको सहजताकालागि विभिन्न समयमा कृषी औजारहरु वितरण गर्दै आएको छ ।
