दमक, १७ साउन । नेकपा एमालेले रिक्त उपाध्यक्षमा स्थायी कमिटी सदस्य गुरु बराललाई मनोनीत गरेको छ ।
पार्टीको बिहीबार बसेको सचिवालय बैठकले प्रभावशाली नेता बराललाई नियुक्त गर्ने निणर्य गरेको महासचिव शंकर पोखरेलले जानकारी दिनुभयो ।
उपाध्यक्ष सुवासचन्द्र नेम्वाङको निधनपछि एमाले उपाध्यक्ष पद खाली थियो । बरालले बागमती प्रदेश इञ्चार्जको जिम्मेवारीसमेत सम्हाल्दै आउनु भएको थियो । मोरङका बराल मदन भण्डारी स्मृति प्रतिष्ठानका अध्यक्ष समेत रहनु भएको छ । सामाजिक अभियन्ताका रुपमा गाउँबस्तीमा कार्यक्रम लिएर पुग्ने बराल पार्टीका तात्कालिन महासचिव मदन भण्डारीसँग समेत रहेर कुशलतापूर्वक निरन्तर सक्रियतापूर्वक समाज रुपान्तरणको अभियानमा खटिदै आउनु भएको छ ।
