दमक, १७ साउन / लागुऔषध कारोबारी धमाधम पक्राउ पर्ने क्रममा सो कारोबारमा संलग्न रहेको आरोपमा स्कुटरसहित बिहीबार एकजना पक्राउ परेका छन् ।
दिउँसो १२ः३० बजेको समयमा मेचीनगर ६ पुरानो मेचीपुलस्थित लागुऔषध नियन्त्रण ब्युरो काँकडभिट्टा र इलाका प्रहरी कार्यालय काँकडभिट्टाबाट खटिएको प्रहरी टोलीले बिर्तामोड नगरपालिका वडा नम्बर १० बस्ने ३४ वर्षीय विशाल गुरुङलाई नियन्त्रणमा लिएको जिल्ला प्रहरी कार्यालय झापाले जनाएको छ ।
भारतबाट नेपाल तर्फ आउदैं गरेको प्रदेश.१-०१-०१७ प. ५८६ नम्बरको स्कुटर चेकजाँचका क्रममा १ सय ७० मिलिग्राम खैरो हेरोइनसहित गुरुङलाई नियन्त्रणमा लिइएको हो । गुरुङलाई इलाका प्रहरी कार्यालय काँकडभिट्टामा राखी थप अनुसन्धान कार्य जारी रहेको झापा प्रहरीले उल्लेख गरेको छ ।
