दमक, २९ साउन / अन्तर्रास्ट्रिय युवा दिवसको सन्दर्भमा शिवसताक्षीस्थित झिलझिलेमा सम्पन्न मैत्रीपूणर् भेट्रान फुटबलमा झिलझिले भेट्रान विजयी बनेको छ ।
झिलझिलेले दूधे क्लासिक क्लबलाई टाईबे्रकरमा ३ -५ गोल अन्तरले पराजित गरी आफु विजयी बनेको हो । विजेता झिलझिलेले पुरस्कार स्वरुप कप प्राप्त गरेको छ ।
मिसिओ म्यूनिखको आर्थिक सहयोग तथा शिवसताक्षी नगरपालिकाको समन्वयमा कारितास नेपालद्वारा सञ्चालित ‘सुरक्षित आप्रवासन मार्फत मानव बेचबिखन बिरूद्धको सवलीकरण परियोजना’ अन्तर्गत खेलको आयोजना गरिएको हो ।
खेलको उद्घाटन कार्यक्रममा बोल्दै शिवसताक्षी नगरपालिकाको युवा, खेलकुद तथा शिक्षा शाखा प्रमुख छविलाल ढकालले खेलको माध्यमवाट युवाहरूलाई अनुसाशित र स्वथ्य राख्न मद्धत पुग्ने भएकाले यस्ता गतिविधि हुन आवश्यक रहेको बताउनु भयो ।
प्रतियोगितामा शिवसताक्षी नगरपालिका वडा नम्बर ११ का वडाध्यक्ष बहादुर आङ्वो, वडा सदस्य पर्शुराम अधिकारीका साथै रोजगार शाखा प्रमुख, खेलकुद समिति, कारितासका प्रतिनिधिहरू लगायतको उपस्थिति थियो । कार्यक्रम कारिततासका प्रादेशिक प्रमुख शंकरकुमार पौडेलको अध्यक्षतामा सम्पन्न भएको कारितासका चीरञ्जिवी लुईटेलले जनाउनु भयो ।
