दमक, २९ साउन / अन्तराष्ट्रिय युवा दिवसको अवसरमा डाइनामिक पब्लिक लाइब्रेरी अन्तर्गतको डीपीएल टिन्स् बोर्डको आयोजनामा सम्पन्न फुटसल प्रतियोगितामा दमककै ग्लोबल एजुकेसन एकाडेमीले उपाधि जितेको छ ।
झापा र मोरङका प्लस टु तहको विद्यालयहरुबीचको सो प्रतियोगितामा मोरङको उर्लाबारीस्थित पशुपति आवासीय माविले दोस्रोस्थान हाँसिल गरेको छ ।
प्रतियोगिताका विजेता र उपविजेता टिमलाई क्रमशः २० हजार र १० हजार नगद सहितका पुरस्कार प्रदान गरिएको कार्यक्रमका सभाध्यक्ष शुभम् सिग्देलले जनाउनु भयो ।
दुई दिने सो प्रतियोगितामा दमकका १३, कमलको १ र उर्लाबारीका २ टिमको सहभागिता रहेको थियो ।
