काठमाडौँ, २ भदौ । भौतिक पूर्वाधार मन्त्रालयले एक महिनाको अवधिमा ६ अर्ब १८ करोड रुपैयाँको वित्तीय प्रगति गरेको छ ।
मन्त्री देवेन्द्र दाहालले आइतबार आफ्नो कार्यकालको एक महिने प्रगति विवरण सार्वजनिक गर्दै यसबारे जानकारी गराउनु भएको छ । आर्थिक वर्ष २०८१/०८२ मा विनियोजन भएको बजेटमध्ये श्रावण मसान्तसम्म सो रकम खर्च भई ४.११ प्रतिशत वित्तीय प्रगति हासिल भएको उहाँले जानकारी दिनुभयो ।
दाहालले आफूले मन्त्रालयको जिम्मेवारी सम्हालेपछि भए गरेका कामकारबाहीको विवरणसहित २३ बुँदे कार्यप्रगति विवरण सार्वजनिक गर्ने क्रममा सो जानकारी गराउनु भयो ।
उहाँले आफ्नो एक महिने कार्यकालमा राष्ट्रिय यातायात नीति मन्त्रिपरिषद्बाट स्वीकृतिका लागि पेस भएको, राष्ट्रिय राजमार्ग अवरुद्ध नहुने गरी व्यवस्था मिलाइएको, सडक बोर्डलाई पूणर्ता दिइएको जनाउनु भयो ।
