दमक, ६ भदौ। अन्तर्राष्ट्रिय आमन्त्रण दोस्रो ताप्लेजुङ गोल्डकपमा बिर्तामाड युनाइटेड फुटबल क्लब झापाले त्रिभुवन आर्मी फुटबल क्लब काठमाडौलाई ३-० गोल अन्तरले पराजित गर्दै आफूलाई सेमिफाइनलमा प्रवेश गराएको छ ।
झापाका अभिशेख गुरुङ, देवेन्द्र तामाङ र हिप्सु थपलियाले गोल गर्दा प्रतियोगितामा जित हाँसिल भयो । खेलमा देवेन्द्र तामाङ म्यान अफ द म्याचको पुरस्कार प्रदान गरियो ।
नेपालको राष्ट्रिय टिमका पूर्वकप्तान भरत खवास ,खेलाडी नवयुग श्रेष्ठलगायतका चर्चित खेलाडीहरु भएपनि खेल अवधिभर झापाको दबाबमा परेको आर्मीले धेरै अवसरलाई चुकाएको थियो ।
लाखेजात्रा पर्वको अवसरमा लाखेजात्रा सञ्चालन समितिद्वारा आयोजित प्रतियोगिताको भदौ ८ गते हुने दोस्रो सेमिफाइनल खेलमा बिर्तामाड युनाइटेड फुटबल क्लबले सिरहाको सहलेश युवा क्लबबीच प्रतिष्पर्धा हुने भएको छ ।
पहिलो सेमिफाइनल खेल भदौ ७ गते शुक्रवार सगरमाथा युथ क्लब मोरङ र संघर्ष स्पोर्टिङ युवा क्लब ताप्लेजुङबीच हुने आयोजक समितिका अध्यक्ष देवराज गुरुङले जनाउनु भयो ।
प्रतियोगिताको विजेताले नगद ५ लाख, उपविजेताले २ लाख ५० हजार ५ सय ५५ रुपैयाँसहित ट्रफी, मेडल र प्रमाणपत्र प्राप्त गर्ने भएका छन् ।
