दमक, ७ भदौ/ दमकस्थित पुरानो र चर्चित मोर्डन व्यूटिपार्लरको संयोजनमा व्यूटिसियनहरुका लागि मेकअप सम्बन्धी शुक्रबार एकदिने सेमिनार सञ्चालन भएको छ ।
न्यू लुक र लभ वार्म कम्पनीसँगको सहकार्यमा सञ्चालित सेमिनारमा उज्यालो खबरका सम्पादक भूपेन्द्रराज तिम्सिना, चन्द्रसूर्य सीप विकास संस्थाकी सुनिता राई, व्यूटिसियन रोशनी कोइरालाले शुभकामना मन्तव्य व्यक्त गर्नुभयो ।
मोर्डन व्यूटिपार्लर प्रमुख सरस्वती सुब्बाको अध्यक्षताको कार्यक्रममा कार्यक्रम संयोजक रचना सुब्बा र न्यू लुक र लभ वार्म कम्पनीको तर्फबाट सिर्जना थापाले साजसब्जा (मेकअप) र छालाको अवस्था र त्यस अनुरुपको साजसज्जाका बारेमा जानकारी गराउनु भयो । उहाँहरुले व्यूटिसियन पेसालाई मर्यादित र व्यवस्थित हिसावले अघि बढाएर महिलाहरु आत्मनिर्भर बन्न सकिने सम्भावना पनि दर्शाउनुभयो ।
नृत्य समेत प्रस्तुत गरिएको कार्यक्रममा दमकका व्यूटिपार्लर सञ्चालक तथा व्यूटिसियन क्षेत्रमा रुची राख्ने २ सय १५ जनाको सहभागिता रहेको छ ।
