दमक, ११ भदौ / झापाको शिवसताक्षी नगरपालिका वडा नम्बर ६ स्थित शिवगञ्ज गाउँ । यो ठाउँमा नगर अस्पताल रहेपनि अझैपनि विशेषज्ञ स्वास्थ्य सुविधा पुग्न सकेको छैन ।
यहाँका मानिसमा जटिल बिरामनै लागेमा उपचारका लागि सामान्यतः दमक तथा बिर्तामोड बजारमा खुलेका ठूला अस्पतालमा लैजाने गरिन्छ । यस्तो ठाउँमा विषयको विज्ञ सहितको चिकित्सकहरु कमै पुगेर सेवा दिने गर्दछन । यो ठाउँको स्थितीलाई मद्यनजगर गर्दै दमकमा रहेको ओम शान्ति डेण्टल हस्पिटलले सो गाउँमा निःशुल्क शिविर लग्यो । यो वातावरण बनाइदियो राष्ट्रिय यूवा संघ शिवसताक्षी नगर कमिटीले ।
यूवा संघको स्थानीय आयोजना तथा व्यवस्थापनमा भएको दाँत सम्बन्धीको शिविरमा अस्पतालको तर्फबाट दन्त रोग विषेशज्ञ डा. स्मारक दाहालको टिम पुगेको थियो ।
‘गाउँका बासिन्दाहरुमा अझैपनि दाँतको उचित हेरचाह र सुरक्षा गरेको पाइएन ।’ शिविरबाट फर्केपछि उज्यालो खवरसँग कुरा गर्दै डा. दाहालले भन्नु भयो ‘दाँतमा किराले खाएको, गिजा सुन्निएको, रगत बगिरहने जस्ता समस्या शिवगञ्जमा गरिएको शिविरमा देखियो ।’
शिविरबाट १ सय २ जनाले सेवा पाएका छन् ।
नेकपा एमालेका केन्द्रीय सदस्य तथा झापा इञ्चार्ज रोमनाथ ओलीको प्रमुख आतिथ्यतामा सम्पन्न शिविरमा कोशी प्रदेश सभाका सांसद राधाकृष्ण खनाल लगायतको समेत उपस्थिती रहेको थियो ।
यस खाले शिविरले गाउँमा सहज स्वास्थ्य पहुँच नपुगेका नागरिकले. सहजै विषेषज्ञ सहितको सेवा पाएको अस्पतालका व्यवस्थापक कमल गैरेले जानकारी दिनु भयो ।
शिविरमा परीक्षणका साथै औषधी पनि निःशुल्क वितरण गरिएको थियो भने जटिल समस्या भएकाहरुलाई अस्पतालमै उपचार गराउन सुझाव दिइएको थियो ।
जटिल समस्या भएकाहरुलाई शिविर सम्पन्न भएको एक साताभित्र ओम शान्ति डेण्टलमा आएर उपचार गराउँदा निःशुल्क ओपीडी र अन्य उपचारमा समेत २५ प्रतिशतसम्म छुटको प्रबन्ध मिलाइएको समेत व्यवस्थापक गैरेले बताउनु भयो ।
