दमक, १ असोज । असोजमा दशैंलाई लक्षित गरी ७ नेपाली चलचित्र प्रदर्शन हुने तयारीमा जुटेका छन् । ‘छक्का पञ्जा ५’, ‘ज्वाइँ साप’, ‘खुस्मा’, ‘सानो संसार’, ‘बेहुली फ्रम मेघौली’, ‘आँखा’ र ‘१२ गाउँ’ चलचित्र असोजमा प्रदर्शन हुनेछन् ।
फूलपाती अर्थात् असोज २४ गते ‘ज्वाइँ साब’, ‘छक्का पञ्जा ५’ र ‘१२ गाउँ’ गरी तीन फिल्मले दशैंको अवसरमा प्रदर्शनको मिति तय गरेका छन् ।
यीमध्ये पनि ‘छक्का पञ्जा ५’ र ‘ज्वाइँ साब’मार्फत दिपकराज गिरी र जीतु नेपाल आपसमा भिड्दै छन् । ‘ज्वाइँ साब’मा जीतु नेपालको मूख्य भुमिका छ भने ‘छक्का पञ्जा ५’मा दीपकराज गिरी मुख्य भूमिकामा छन् ।
यी मध्ये ‘खुस्मा’ असोज ३ गते, ‘सानो संसार’ ११ गते प्रदर्शनमा आउँँदैछ । त्यस्तै, तेस्रो साता फिल्म ‘बेहुली फ्रम मेघौली’ र ‘आँखा’ एक आपसमा भिड्दैछन् ।
