दमक, ६ असोज । मधेस प्रदेश प्रमुख सुमित्रा सुवेदी भण्डारीले मधेस प्रदेशसभाको सचिवमा बासुप्रसाद कोइरालालाई आइतवार नियुक्त गर्नु भएको छ ।
नेपालको संविधानको धारा १९५ को उपधारा १ बमोजिम कोइरालालाई नियुक्ती गरिएको हो । प्रदेशसभाका सभामुख रामचन्द्र मण्डलको सिफारिसमा प्रमुखले नियुक्ती गर्नु भएको जनाइएको छ । कानुनमा स्नातकोत्तर गर्नु भएका कोइराला बिगत डेढ वर्षदेखि सेवा अवकास हुनुभएको थियो ।
महोत्तरी जिल्लाको बर्दिवास नगरपालिका १२ निवासी कोइराला यस अघि निजामति सेवामा कार्यरत हुनुहुन्थ्यो । कोइरालालाई आइतबार प्रदेश सभाका सभामुख रामचन्द्र मण्डलले पदको सफथ ग्रहण समेत गराउनु भएको छ ।
