खोलाले बगाएका कोरोबारीका बृद्ध न्यौपानेको शव फेला

दमक, १५ असोज ।  किस्नी खोलाले बगाएर बेपत्ता झापा गौरीगञ्ज २ कोरोबारीका ७५ वर्षीय बृद्धको शव फेला परेको छ ।

सोमबार भैंसी पगाहा लगाउन खोला तर्दा किस्नी खोलाले बगाएका महेश्वर न्यौपानेको शव मंगलबार विहान फेला परेको गौरीगञ्ज प्रहरीले जनाएको छ ।

साँझसम्म पनि न्यौपाने घर नर्फिएपछि परिवारले खोलाको बगाएको हुनसक्ने आशंकामा प्रहरीलाई खबर गरी खोजी कार्य अघि बढाएको थियो ।