दमक, मंसिर २०
प्रधानमन्त्री केपी शर्मा ओली चारदिने औपचारिक भ्रमण सकेर आज बिहान चीनको बेइजिङबाट स्वदेशका लागि प्रस्थान गर्नुभएको छ ।
प्रधानमन्त्री ओलीलाई चीनका उपपरराष्ट्रमन्त्री सुन बेइदोङले बेइजिङ क्यापिटल अन्तर्राष्ट्रिय विमानस्थलमा स्थानीय समय अनुसार बिहान ११ बजे बिदाइ गर्नुभएको हो । प्रधानमन्त्री ओली नेपाली समय अनुसार दिउँसो साढे २ बजे काठमाडौं आइपुग्ने कार्यक्रम रहेको छ ।
चीनका प्रधानमन्त्री ली छ्याङको मैत्रीपूणर् निमन्त्रणामा यही मङ्सिर १७ गते नेपाली प्रतिनिधिमण्डलको नेतृत्व गर्दै प्रधानमन्त्री ओली चीन जानु भएको थियो ।
भ्रमणका क्रममा प्रधानमन्त्री ओली र चिनियाँ समकक्षीको उपस्थितिमा नेपाल र चीनबीच बेल्ट एण्ड रोड इनिसियिटिभ (बीआरआई) सहकार्यको फ्रेमवर्कमा हस्ताक्षरसहितका विभिन्न समझदारी भएका छन् ।
