दमक/
झापाको दमकमा बुधबार रक्तदान सम्पन्न भएको छ । यहाँ रहेका विभिन्न लायन्स क्लबहरुको संयुक्त आयोजनमामा रक्तदान भएको हो । आफ्नो वार्षिक कार्यक्रमको सुचिअनुसार रक्तदान कार्यक्रम आयोजना गरिएको आयोजक मद्येको लायन्स क्लब अफ दमक बिग बुद्धका अध्यक्ष कृष्णराज दाहालले जानकारी दिनु भयो ।
लायन्स क्लब अफ दमक बिग बुद्ध , बेलसिटी, सेविका र झापा दमक गरि चारवटा लायन्स क्लबहरुले संयुक्त आयोजना गरिएको रक्तदानमा ५५ जनाले रगत दान गरेका थिए । रक्तदान गर्नेहरुलाई प्रमाणपत्रका साथमा चिसो मौसममा शिरलाई न्यानो बनाउन भन्दै एक एक वटा टोपी पनि बितरण गरिएको थियो ।
