आफ्नै श्रीमतीलाई धारिलो हतियार तरवार प्रहार गरी हत्या गरेको अभियोगमा एक जना पक्राउ परेका छन् ।
पक्राउ पर्नेमा भोक्राहा नरसिंह गाउँपालिका १ उराउ टोल बस्ने ३२ वर्षीय लालु प्रसाद उराउ रहेकाे जिल्ला प्रहरी कार्यालय सुनसरीले जनाएकाे छ ।
कार्यालयका अनुसार लालु प्रसादले आफ्नी ३० वर्षीया श्रीमती चन्द्रकलालाई धारिलो हतियार तरवार प्रहार गरी हत्या गरेका हुन् । तरवार प्रहार गर्दा घटनास्थलमै मृत्यु भएको भन्ने खबर प्राप्त हुनासाथ प्रहरी चौकी भोक्राहा, ईलाका प्रहरी कार्यालय लौकही र जिल्ला प्रहरी कार्यालय सुनसरीबाट खटिएको प्रहरीले शुक्रबार राति उनलाई पक्राउ गरेको कार्यालयले जनाएकाे छ ।
पक्राउ परेका उनमाथि प्रहरीले थप अनुसन्धान गरिरहेको उक्त कार्यालयले जनाएकाे छ।
