काठमाडौं, माघ १४
स्वास्थ्य तथा जनसङ्ख्यामन्त्री प्रदीप पौडेलले एक लाखको स्वास्थ्य बीमा रकम वृद्धि गरी पाँच लाख रुपैयाँ पुर्याउन सरकारको योजना अघि बढेको बताउनु भएको छ ।
सोमबार काठमाडौंमा आयोजित कार्यक्रममा मन्त्री पौडेलले बीमा रकम पाँच लाख रुपैयाँ पुर्याउने र यसलाई व्यवस्थित गर्ने लक्ष्य लिएर आफू अगाडि बढिरहेको जानकारी गराउनु भयो । उहाँले भन्नुभयो ‘स्वास्थ्य बीमामा पाँच लाख रुपैयाँको व्यवस्था गर्नेछु, त्यसले बिरामीलाई सहयोग हुनेछ,।’
साथै उहाँँले एकीकृत र एकद्धार प्रणालीबाट मात्रै बीमा सेवा सञ्चालन गर्नुपर्नेमा जोड दिनु भएको छ ।
