दमक, माघ १७
नेकपा एमालेको भ्रातृ संगठन राष्ट्रिय युवा संघ नेपाल, दमक नगर कमिटीको नवौं नगर अधिवेशनबाट अध्यक्षमा छवि खतिवडासहित ४७ सदस्यीय समिति सर्वसम्मत चयन भएको छ ।
जसको उपाध्यक्षमा. विजय तामाङ, सचिवमा कमल गैरे, सहसचिवमा अमिर न्यौपाने र इन्द्रकला पण्डित, कोषाध्यक्षमा सन्दिप तामाङसहित सदस्यहरु चयन भएको सचिव गैरेले जनाउनु भयो ।
कमिटीले दमकमा युवाहरुका सवालमा सक्रिय गतिविधि गर्दै युवा अधिकारसहित नगरको समग्र समृद्धिमा बल पुर्याउने योजना अघि सार्ने नवनिर्वाचित अध्यक्ष खतिवडाले बताउनु भयो ।
