दमक, माघ २०
सन्तान उत्पादनमा समस्या भएका दम्पतीहरुको प्राकृतिक सहितको उपचार तथा परामर्शकालागि झापाको दमक ६ मा फर्टिलिटी क्लिनिक सञ्चालनमा आएको छ ।
लाइफलाइन अस्पतालमा कार्यरत प्रजनन् विशेषज्ञका रुपमा गाइनोजोजिष्ट डा. सीता राईले जेसीज चोक उत्तर फर्निचर लाइनमा ‘कोपिला फर्टिलिटी एण्ड वुमन क्लिनिक’मार्फत निःसन्तानहरुको उपचार थालेको आइतबार आयोजित पत्रकार भेटघाट कार्यक्रममा जानकारी गराइएको छ । प्रजनन् समस्यालाई प्राकृतिकसहित आधुनिक उपचार गरेर व्यक्तिगत हेरचाह र महिलाका समस्यालाई समाधान गर्ने हिसावले सेवा सुरु गरेको डा. राईले जनाउनु भयो ।
गत मंसिर २७ गतेबाट सुरु भएको क्लिनिकमा महिलाको अण्डा र पुरुषको बिर्यको बृद्धि तथा उपचार प्राकृतिक तबरले गर्ने र अन्तिम उपायका रुपमा आइबीएफ उपचार गर्ने अघि बढाइएको उहाँले उल्लेख गर्नुभयो । पाठेघरको एक्सरे (टीबीएस), पाठेघरको मुखको क्यान्सरको जाँच गर्ने काम समेत हुने गरेको बताउनु भयो ।
दमकको किओच बाल अस्पतालमा कार्यरत सीताका पति डा.सन्तोष खत्रीले निःसन्तान दम्पतीले उपचारकालागि भारतसम्म जान नपरोस् भन्नकालागि यो खाले सेवा सुरु गरेको धारणा राख्नु भयो ।
