दमक, माघ २२
महिलाहरुको सीप विकास र प्रवद्र्धनमा जोड दिँदै कार्यक्रम सञ्चालन गर्दै आइरहेको दमक ६ नम्बर वडा कार्यालयले यो बेला सञ्चालनमा ल्याएको ३ महिने आधारभूत सिकाई कटाई तालिम लिन पाएकोमा सहभागिले उत्साह व्यक्त गरेका छन् ।
स्थानीय कविता रामदामले आफू तालिममा आउनु अघि मेसिन समेत घुमाउन नआउने गरेको अवस्थामा १ महिनामा निकै सिकेको बताउनु भयो । साथै सजना श्रेष्ठ पनि यसखाले तालिमबाट आफूले धेरै सिक्न पाएर केही गर्छौं भन्ने आशा जागेको बताउनु हुन्छ ।
वडाले स्वनिर्भरताकालागि महिला समुदायलाई विशेष आव्हान गरेर तालिम लिएर त्यो सीप व्यवहारमा अनिवार्य रुपमा उतार्ने शर्तमा तालिम थालेको हो । पुस २१ बाट थालिएको तालिमबाट अबको बाँकी २ महिनामा प्रशिक्षार्थीले राम्रै सिक्न सक्ने अवस्था रहेको प्रशिक्षक सरस्वती भट्टराईले उल्लेख गर्नुभयो ।
वडाबाट १ लाख रुपैयाँ बजेट बिनियोजन गरिएको सिलाई कटाई तालिम लिनेको संख्या १० रहेको छ ।
