पोखरा, माघ २३
स्वास्थ्य तथा जनसंख्यामन्त्री प्रदीप पौडेलले निःशुल्क र कम शुल्कमा स्वास्थ्य सेवा प्रदान गर्ने योजना अन्तर्गत क्यान्सर रोगीलाई दिने किमो निःशुल्क गर्ने घोषणा गर्नुभएको छ ।
बुधवार पोखराको सीतलादेवी स्कुलमा एचपीभी खोप अभियान उद्घाटनपछि मन्त्री पौडेलले नेपालमा क्यान्सरबाट हुने मृत्युदर बढ्दै गएकोमा चिन्ता व्यक्त स्वास्थ्यलाई निःशुल्क र कम शुल्कमा प्राप्त गर्ने व्यवस्था मिलाउने घोषणा गर्नुभएको हो । पौडेलले नेपालको भविष्यलाई पाठेघरको क्यान्सरबाट बचाउन खोप अभियान थालिएको पनि जनाउनु भयो ।
तथ्यांकअनुसार क्यान्सरबाट नेपालमा दैनिक ६ महिलाको मृत्यु हुन्छ । त्यसमध्ये ४ जनाको पाठेघरको क्यान्सरबाट मृत्यु हुन्छ । १४ वर्ष माथिका महिलाहरूको क्यान्सरको स्क्रिनिङ गर्ने र उपचार अभियान सरकारले चलाउने भन्दै उहाँले केही हप्तामा क्यान्सर रोगीलाई दिने किमो निःशुल्क बनाउने बताउनु भयो ।
नेपालमा उपचारमा मात्र रकम खर्च भएको भन्दै रोगै लाग्न नदिने निरोधात्मक अभियान पनि सरकारले चलाउने उहाँले उल्लेख गर्नुभयो ।
