दमक, माघ २७
नेकपा एमाले निकट अखिल नेपाल महिला संघ झापाको १० औं जिल्ला सम्मेलनबाट दमककी सक्रिय नेतृ लीला दाहाल अध्यक्षमा चयन हुनु भएको छ ।
बिर्तामोडमा भएको २ दिने सम्मेलनको अन्तिम दिन आइतबार अध्यक्ष दाहालसहितका मुख्य पदहरु सर्वसहमतिमा चयन भएको हो । दाहाल यसअघिको समितिमा सचिव रहनु भएको थियो ।
समितिको उपाध्यक्षमा रेनुका डाँगी (मेचीनगर) र सीता ढुङ्गाना बिक (बिर्तामोड), सचिवमा कल्पना चम्लागाईं (शिवसताक्षी ), सहसचिवमा ललिता बस्नेत (हल्दिबारी) र कोषाध्यक्षमा मञ्जु थापा (दमक) चयन हुनु भएको छ । केही पालिकाबाट सदस्य चयन हुन बाँकी रहेकाले मंगलबारसम्ममा समितिलाई पूर्णता दिइने नवनिर्वाचित अध्यक्ष दाहालले जनाउनु भयो ।
