दमक/
झापाको दमकमा विभिन्न प्रकारका खोपहरु लगाउने काम तिब्ररुपमा अघि बढि रहेको छ । पहिलो, दोस्रो तथा अतिरिक्त (बुस्टर) डोजका खोपहरु लगाउने कामहरु धमाधम भइरहेका छन् ।
भेरोसेल, कोभिसिल्ड र जोनसोन एण्ड जोनसोन नामक खोप निरन्तर लगाइरहिएको छ । यी खोपहरु पहिलो पटक लगाउनेहरुलाई वडागतरुपमा नागरिकता हेरेर खोप लगाइरहिएको छ भने त्यसपछि अन्य (दोस्रो र अतिरिक्त) डोज पहिलो पटक खोप लगाएको परिचयपत्रका आधारमा खोप लगाइरहिएको छ ।
बिहिबार र शुक्रबार दमकका १० वटै वडामा १८ वर्ष भन्दा माथीका सबै नागरिकका लागि खोप अभियान चलिरहेको छ । यसपछि लगत्तै १२ वर्ष देखि १७ वर्ष सम्मका विद्यार्थीका लागि पनि खोप कार्यक्रम सञ्चालन हुने कार्यतालिका पनि सार्वजनिक भइसकेको छ ।
१६ माघ देखी २० गते सम्म ५ दिन सम्म खोप अभियान चल्ने छ । ती दिनमा विद्यार्थीहरुलाई विद्यालयमा उपस्थित हुन नगरपालिकाले सुचना निकालेर अनुरोध पनि गरेको छ ।
भिडियो
