झापा \
कोरोना जाँच रिपोर्ट पोजिटिभ आए पछि मानिसहरु आइसोलेसनमा जान्छन् । १० देखि १४ दिन क्वारिन्टीनमा रहेपछि उनीहरुको सामुन्ने ठूलो सवाल यो हुन्छ कि अब उनीहरुलाई फेरि कोरोना टेस्ट गराउनुपर्दछ जबकी उनीहरु एक दम स्वस्थ महशुस गरिरहेका छन् ।
कैयौं मानिसहरु जब आइसोलेसनबाट बाहिर आउनुभन्दा पहिला आफ्नो र अरु व्यक्तिको सुरक्षा सुनिश्चित गराउनको लागि जब जाँच गराउँदछन् तब उनको रिपोर्ट फेरि एक पटक पोजिटिभ आउँदछ यस्तोमा प्रश्न उठ्दछ कि के तिनीहरु ऋझै पनि संक्रमित छन् ?
यसको जवाफमा अमेरिकाको टप डाक्टर र महामारी विशेषज्ञ फहीम युनुसले जो अमेरिकाको युनिवर्सिटी अफ मेरिलैंडमा महामारी मामिलाको प्रमुख डाक्टर पनि हुन् ट्वीट गर्दै बताएका छन् कि कहिल्यै पनि कोभिड पोजिटिभ आएपछि दोश्रो पटक पीसीआर नगराउनुस् ।
यसभन्दा पहिले पनि उनले महामारी सम्बन्धमा मानिसहरुलाई सही जानकारी र चेतावनी दिंदै आएका छन् । गएको महिना उनले भनेका छन् कि ओमिक्रान भेरियन्टलाई हल्कामा नलिऔं, किनकी उनको अस्पतालमा सारा भेन्टिलेटर भरिएका छन् ।
भाइरसको मृत कणलाई पहिचान गरेको छ पीसीआर
आफ्नो हालैको ट्वीटमा फहीमले बताएका छन् कि प्रश्नः मलाई कोभिड भएको थियो । म १० दिन आइसोलेसनमा रहें तर दोश्रो पटक पनि पीसीआर टेस्ट पोजिटिभ आयो ।
अब के गर्ने ? उनले लेखेका छन्, बधाइ छ, तपाई कोभिडबाट रिकभर भैसक्नु भएको छ । पीसीआर टेस्ट भाइरसको मृत कणलाई पनि पहिचान गरिरहेको छ । आइसोलेसनलाई खतम गर्नुस् तपाई संक्रमित हुनुहुन्न । एक पटक कोभिड पोजिटिभ आएपछि कहिल्यै पनि दोश्रो पटक पीसीआर नगराउनुहोस् ।
शेयर गरे कोरोना पोजिटिभ हुने अनुभव
डाक्टर फहीम युनुसलाई हालै कोरोना भएको थियो अब उनी यसबाट ठीक भैसकेका छन् । ओमिक्रानबाट ठीक भएपछि उनले आफ्नो अनुभव शेयर गर्दै लेखेका छन् कि कसरी ओमिक्रान पोजिटिभ भएपछि उनले यसको मुकाबिला गरे र के के सावधानी अपनाएर चाँडै ठीक हुन मद्दत मिल्यो ।
पुरस्कार विजेता चिकित्सक डाक्टर फहीमले बताए कि उनलाई दुई हप्ता पहिला लक्षण देखिएको थियो र उनको रिपोर्ट पोजिटिभ आएको थियो । तर केही उपायहरुलाई ध्यानमा राखेर यसबाट ठीक हुन उनलाई मद्दत मिल्यो ।
