दमक/
झापाको दमक नगरपालिकाले विभिन्न सिपमुलक तालिमकाकालागि कार्यक्रम बनाउँदै आएको छ । बिगत केहि वर्ष देखि भने नयाँ क्षेत्रमा लगानी गरिरहेको छ । नगरले आफ्नै क्षेत्रबाट पनि निजामती क्षेत्रमा समेत कर्मचारी उत्पादन हुन सकुन भन्ने लक्ष्यका साथ वार्षिक कार्यक्रम नै बनाएर कार्यान्वायन गरिरहेको छ ।
बिगत ३ वर्ष देखी नगरपालिकाले बजेटबाटै सम्बोधन गरेर निशुल्क रुपमा दमकका यूवाहलाई लोकसेवा सम्बन्धीको कक्षा दिइरहेको छ । यो वर्ष पनि १ सय जना विद्यार्थीका लागि निशुल्क लोकसेवा कक्षाको सुभारम्भ गरिएको छ । बिहिबार उद्धघाटन गरिएको कक्षा निरन्तर ५० दिन सम्म सञ्चालन हुने छ । तालिमको नगर प्रमुख रोमनाथ ओलीले उद्धघाटन गर्नु भयो । दमक ६ स्थित ग्लोबल एजुकेशन एकेडेमीको सभाहलमा भएको कार्यक्रममा तालिमममा सहभागी हुने प्रशिक्षार्थीका साथमा उद्धघाटन गरिएको हो ।
दमक ५ एस एन मार्केटमा रहेको सिएससिआई एजुकेशन फाण्डेशनले तालिम सञ्चालन गर्ने भएको हो । लोकसेवाको क्षेत्रमा राष्ट्रिय स्तरमा ख्याती प्राप्त प्रशिक्षकद्धारा प्रशिक्षण दिइने सञ्चालक सस्थाका प्रन्सिपल राजु गौतमले जानकारी दिनुभयो ।
यस प्रकारको तालिमले यूवाहरुलाई लोकसेसवामा आकर्षण बढाउनुका साथै लोकसेवाका बारेमा जानकारी समेत प्राप्त हुने विस्वास नगरको रहेको छ । कार्यक्रममा नगरका प्रमुख रोमनाथ ओलीले यो तालिमको अधिकतम् फाईदा उठाएर लोकसेवामा नाम निकाल्न प्रशिक्षार्थीहरुलाई सुभाकामना दिनुभयो । दत्तचित्त भएर तालिम लिने र आफ्नो लक्ष निर्धारण गरेर सिक्ने हो भने यो क्षेत्रमा सफल बन्न सकिने भन्दै उहाँले सुभकामना दिनु भयो ।
यस्तै नगरकी उप प्रमुख गीता अधिकारीले लोकसेवा पैसा तिरेर पढ्न निकै खर्च लाग्ने र दमक बाहिर जानुपर्ने बाध्यता समेत रहेकोले पैसा तिर्न नसक्ने र लोकसेवाको क्षेत्रमा काम गर्ने सपना देखेका यूवाहरुकालागी लक्षीत गरिएको उल्लेख गर्नु भयो ।
केहि वर्ष अघि सम्म लोकसेवा क्षेत्रमा नेपालको पश्चिमी क्षेत्रका नागरिकको मात्रै चासो रहने गरेकोमा पूर्वमा पनि यसको महत्व विस्तार गर्न समेत यो कार्यक्रमले मद्यत पुर्याउने उहाँले बताउनु भयो । कर्मचारी बृत्त हेर्ने हो भने अधिकांस पश्चिम जिल्लाका छन् । पूर्वतिरका कमै मात्र उत्पादन भएकोले यो क्षेत्रमा पूर्व र त्यसमापनि दमकबाट समेत योगदान पुग्नु पर्छ भनेर यस प्रकारको कार्यक्रमलाई निति तथा कार्यक्रमै राखेर अघी बढीएको उहाँले उल्लेख गर्नुभयो ।
तालिम विगत ३ वर्षदेखी हुँदै आएको छ । हरेक वर्ष १ सय जना विद्यार्थीलाई प्रशिक्षण दिइदै आइएको छ । यहि तालिममा सहभागी मध्येबाट १४ जनाले परिक्षामा सहभागी भएर नाम समेत निकालीसकेको र विभिन्न स्थानीय तह लगायत सरकारी निकायहरुमा सेवा सुरु गरिसकेको समेत कार्यक्रम सञ्चालन गर्ने सस्था सिएससिआइका प्रन्सिपल गौतमले बताउनु भयो ।
भिडियो
