दमक, १८ जेठ / पछिल्लो समय संस्कृति जगेर्ना गर्नमा विभिन्न जातजातिहरु सक्रिय छन् । त्यही संस्कृति जगेर्नामा ध्यान दिदैँ झापाको दमक नगरपालिका वडा नम्बर ९ स्थित चन्द्रमा पार्कमा उभौली पर्वका रुपमा राई जातिको साकेला पर्व धुमधामका साथ मनाइएको छ ।
किरात राई यायोक्खा वडा कार्य समिति दमकं ९ र ५ को संयुक्त आयोजनामा सम्पन्न भएको कार्यक्रममा विभिन्न स्थानबाट आएका समूहले आफनो नृत्य प्रर्दशन गरेका थिए ।
साकेला पर्वमा सहभागि स्थानीय कुमारी राईले भने अरु बेला दुःख गरी पर्व मनाउन टाढा टाढा धाउनु परेको तर अहिले आफनै स्थानमा साकेला मनाउँदा पाउँदा निकै सहज भएको भन्दै खुसी व्यक्त गर्नुभयो ।
त्यस्तै, साकेला उभौली पर्व कार्यक्रमका अध्यक्ष सुनिल राईले पर्व मनाएर संस्कृति संरक्षणका खातिर कार्यक्रममा उपस्थित भई साथ र सहयोग गर्नुहुने सम्पूर्णप्रति आभार व्यक्त गर्नुभयो ।
आधुनिकताको छायाँमा पनि परम्पराको उज्यालो मर्न नदिने र संस्कृतिलाई जोगाउँदै लैजाने प्रयासमा किरात राई समुदायको यो उत्सव एउटा सशक्त उदाहरण बन्दै गएको छ ।
