गर्मी अत्यधिक भएर बिदा दिने केही पालिकाहरुको निर्णयमा केही वरिष्ठ वुद्दिजीविहरुको प्रतिकृया हेर्दा म चाहिं वहाँहरु सिधै शिक्षक विरोधी, आरिसे देख्छु ।
विद्यालयमा शिक्षकमात्र छन् ? विद्यार्थी छैनन् ? यति चर्को गर्मीमा ६०/६५ जना विद्यार्थीहरु एउटै कक्षामा, तातो टिनको छानामुनि पढ्नुपरेको छ । भएको पंखाहरु पावर नपुगेर राम्ररी घुम्दैनन्, घुमेकाबाट पनि तातो हावा आउँछ, छिनछिनमा बिजुली गइरहन्छ । उनीहरुलाई परेको गाह्रो हामी शिक्षकले देखेका छौं । कि त राज्यले कक्षाकोठाहरु मौसम अनुकुल बनाउनुपर्यो नि त ।
विद्यार्थीलाई पढाइमा तत्परता जगाउन के शिक्षकको जबरजस्तीले मात्र हुन्छ ? गर्मीको रापमा, चिटचिट पसिना चुहाउँदै १० देखि ०४ बजेसम्म एउटै स्थानमा बसाएर जबरजस्ती पढाइमा उत्प्रेरित गर्न सकिन्छ ? त्यसरी पढाएको पढेको अर्थ छ ? हामी शिक्षक त अत्ति गर्मी भए छहारी खोजेर बसांैला । आखिर ज्यानभन्दा ठूलो त अरु चिज हैन होला । तर ति विद्यार्थी जबरजस्ती तातो कक्षाभित्र बस्नैपर्छ । उनीहरुको मर्का कसले बुझिदिन े? शिक्षकलाई समस्या जति छ, त्यो भन्दा बढि विद्यार्थीलाई छ हजुर ।
सुविधासम्पन्न विद्यालयमा बिदा गर्न जरुरी छैन । पढ्ने वातावरण मौसम अनुकुल भए किन बिदा गर्नु ? अनि हुन त हाम्रो पालिकामा विदा छैन, त्यै पनि परिस्थिति अनुकुल केही पालिकाको बिदाको निर्णय मलाई चाहिं ठिकै लाग्यो ।
(राई, भगवती मावि मिक्लाजुङ मोरङकी शिक्षक हुनुहुन्छ ।)
