विराटनगर, १ असार । आर्थिक वर्ष २०८२–८३ का लागि कोशी प्रदेश सरकारले ३५ अर्ब ८७ करोड ९९ लाखको बजेट प्रस्तुत गरेको छ ।
आर्थिक मामिला तथा योजनामन्त्री रामबहादुर मगरले आइतबार सो अनुमान प्रस्तुत गर्नुभएको हो । बजेटमा चालूतर्फ १८ अर्ब ६७ करोड ३३ लाख र पूँजीगततर्फ १७ अर्ब १० करोड विनियोजन भएको छ । वित्तीय व्यवस्थापन तर्फ १० करोड विनियोजन भएको छ ।
यो बजेट चालू आर्थिक वर्षको भन्दा १.१७ प्रतिशत बढी हो । चालु आर्थिक वर्षका लागि सरकारले ३५ अर्ब २७ करोड ९३ लाख रुपैयाँको बजेट बनाएको थियो । त्यसमध्ये वैशाख मसान्तसम्म पूँजीगततर्फ ३९. २८ र चालुतर्फ ५५.३ प्रतिशतमात्र खर्च गर्न भएको छ ।
आगामी आर्थिक वर्षको बजेटले राष्ट्रिय प्राकृतिक स्रोत तथा वित्त आयोगको सिफारिसका आधारमा स्थानीय तहरुहरुलाई १ अर्ब ५० करोड वित्तिय समानीकरण अनुदान दिने छ । त्यस्तै सशर्त अनुदानतर्फ स्थानीय तहलाई १ अर्ब ६० करोड ७२ लाख छुट्याइएको छ ।
पूर्वाधारसम्बन्धी आयोजना कार्यान्वयन गर्न स्थानीय तहलाई समपुरक अनुदानबापत अर्ब ६० करोड विनियोजन गरिएको छ । राजश्व बाँडफाटतर्फ भने स्थानीय तहलाई १ अर्ब १० करोड हस्तान्तरण गरिने छ ।
