३ जेठ, दमक । झापाको दमक नगरपालिकामा रहेका १० ओटा वडा मध्ये वडा नं ५ पहिलो बालमैत्री घोषणा भएको पनि एक वर्ष पूरा भईसक्यो । बालमैत्री वडाको दिगोपनाका निम्ति वडाले यहाँ रहेका बालबालिकाहरुलाई बालमैत्री नगर सबैको सरोकार, समृद्ध दमक सुखको आधार भन्ने मूल नाराका साथ लागु पदार्थ दुव्र्यसन विरुद्ध सचेतना तथा बालमैत्री वडाको दिगोपना सम्बन्धी अभिमुखिकरण कार्यक्रम वडा भित्र रहेका विद्यालयहरुमा गर्दै आएको छ । यसको प्रभाब चाहि कस्तो छ त ?
हाल झापाको दमकमा पनि लागुऔषध दुव्र्यसनी दिनदिनै बढिरहेको छ । दिनहुँ जसो नै लागुऔषध प्रयोगकर्ता तथा लागुऔषध ओसारपसारमा संलग्न रहेकाहरु पक्राउ परिरहेका छन् । दुव्र्यसनीमा फसिसके पछि बाहिर निकाल्नुभन्दा पनि दुव्र्यसनमा फस्नै नदिनको लागी भनेर वडाले यस्तो सचेतनामूलक कार्यक्रम आयोजना गरेको हो । भmापाको दमक ५मा रहेको ड्रिमल्याण्ड अंगे्रजी माध्यमिक विद्यालय र मदरल्याण्ड अंगे्रजी माध्यमिक विद्यालयमा मंगलबार दमक नगरपालिका वडा नं ५ को आयोजना र वडा बाल सञ्जालको समंन्वयमा लागु पदार्थ दुव्र्यसन विरुद्ध सचेतना तथा बालमैत्री वडाको दिगोपना सम्बन्धी अभिमुखिकरण कार्यक्रम सम्पन्न भयो । कार्यक्रममा सहभागि विद्यार्थीहरुले यस अभिमुखिकरण कार्यक्रमले लागुऔषधको असरहरुको बारेमा बुझाएको र आफ्नो छरछिमेक साथै दुब्र्यसनीमा फसेकाहरुलाई कसरी सचेत गराउन सकिन्छ भन्ने कुराको ज्ञान प्राप्त भएको प्रतिक्रिया दिएका छन् ।
यस्ता प्रकृतीका कार्यक्रममा युवालाई कुलतबाट जोगाउन महत्वपूर्ण भूमिका खेल्ने बताउनुहुन्छ कार्यक्रमकी सहभागी तथा ड्रिमल्याण्ड अंगे्रजी माध्यमिक विद्यालयकी छात्रा समृद्धी गौतम ।
यस्ता प्रकारका अभिमुखिकरण कार्यक्रले टिन एजर लाई सचेत बनाउन मद्धत पुग्ने बताउनुहुन्छ ड्रिमल्याण्ड अंग्रेजी माध्यमिक विद्यालयका शिक्षक मनोज बुढाथोकी
दमक नगरपालिका ५ का कार्यबहाक वडाध्यक्ष खड्ग बहादुर राई वडालाई बालमैत्री घोषणा गरिसकेपछि वडाका बालबालिकाको अवस्था र यसलाई दीगोपना दिनका लागि साथै लागूऔषध दुब्र्यसनी बढिरहेको समयमा बालबालिकामा सचेतना फैलाउने उदेश्यले कार्यक्रमको आयोजना गरिएको सुनाउनुहुन्छ ।
पछिल्लो समय टिनएजर हरु लागू औषधको दुब्र्यसनमा फस्ने क्रम बढ्दै गएको अवस्थालाई मध्यनजर गर्दै कार्यक्रमपनि टिन एजर लक्षित राखिएको वडा कार्यालयको भनाइ छ ।
