दमक, ९ असार / जीवन स्मृति प्रतिष्ठान दमक झापाले पाँचजना श्रष्टालाई जीवन स्मृति पुरस्कार प्रदान गरेको छ ।
जीवन स्मृति पुरस्कार २०७८ का लागि स्रष्टा लीला उदासी, २०७९ का लागि मदन पुरस्कार विजेता नियात्राकार युवराज नयाँघरे, २०८० का लागि कलाकार बिक्रमश्रि र २०८१ का लागि कथाकार रीता ताम्राकारलाई प्रदान गरिएको छ । युवा प्रतिभा प्रोत्साहन पुरस्कारका लागि दमककी सर्जक चोमू शेर्पा खुशीलाई प्रदान गरिएको संस्थाका सचिव धनकुटे कान्छाले जानकारी गराउनु भयो ।बिक्रमश्रि भनें पुरस्कार ग्रहण गर्न स्वयम् उपस्थित हुनसक्नु भएन ।
जीवन स्मृति प्रतिभा पुरस्कार जनही २०,१११ नगद र ताम्रपत्र साथै जीवन स्मृति युवा पुरस्कार १०,१११ नगद र ताम्रपत्रसहितले पुरस्कृत गरिएको छ ।
दमक बहुमुखी क्याम्पसमा आयोजित कार्यक्रममा दमक नगर प्रमुख रामकुमार थापाको प्रमुख आतिथ्यता र प्रतिष्ठानका अध्यक्ष भूमिप्रसाद दाहालको अध्यक्षा रहेको थियो ।
जीवन आचार्य चर्चित कवि, कलाकार, डिजाइनर तथा स्तम्भकारका रुपमा ०३० को दशकदेखि चर्चा कमाएका दमकका सर्जक हुनुहुन्थ्यो । जीवनका पिता साहित्यकार कमल जंगली आचार्यको अगुवाईमा उहाँको नाममा जीवन स्मृति प्रतिष्ठान स्थापना भइ हरेक वर्ष संस्थाले प्रतिभा पुरस्कार प्रदान गर्दै आएको छ । प्रतिष्ठानबाट १० लाखको अक्षयकोष खडागरी त्यसको व्याजबाट पुरस्कारसहितका कार्यक्रम सञ्चालन हुँदै आएका छन् ।
